தூக்கத்தின் தலைநகர் சென்னை!

சென்னை மக்கள் மற்ற நகரங்களை விட தூக்கத்தில் மிகவும் ஒழுக்கமாக இருக்கிறார்கள் என்கிறது சர்வே.

சென்னையில் தாமதமாக படுக்கச் செல்வோர் 48.8%. இது மற்ற நகரங்களை ஒப்பிடுகையில் குறைவான அளவே. அதே போல், காலையில் தாமதமாக கண்விழிப்போர் எண்ணிக்கையும் 23.8%. இதுவும் குறைவாக தான் உள்ளது. சென்னைவாசிகளிடையே தூக்கமின்மையும் (Insomnia) குறைவான விகிதத்தில் 32.1% ஆக உள்ளது.

இந்தத் தரவுகளிலும் சிறிய சிக்கல் உள்ளது. 61.9% பேர் நன்றாகத் தூங்கினாலும் காலையில் புத்துணர்ச்சி இருப்பதில்லை, என்று கூறியுள்ளனர்.

மற்ற நகரங்கள் தூக்கத்தில் எப்படி?

ஹைதராபாத் – தூக்கத்தில் சமவிகிதம், இரண்டாம் இடம். இந்நகரத்தில் 42% பேர் இரவு லேட்டாக தூங்கச் செல்கின்றனர். 31% தூக்கமின்மை பிரச்சனை உள்ளதாகக் கூறியுள்ளனர்.

குருக்ராம் – இளம் தொழிலாளர்கள் அதிகம் உள்ள நகரம், வேலை நேரம் தாறுமாறாக இருந்தாலும் தூக்கத்தில் சமநிலை வகிக்கின்றனர். மூன்றாம் இடம்

பெங்களூரு – வேலை அழுத்தம், தூக்கத்தில் தாமதம். 36.3% பேர் நள்ளிரவு கழித்தே தூங்கச் செல்கின்றனர். 54% பேர் தூக்கத்திற்குப் பின்பும் கூட நல்ல ஓய்வு எடுத்ததாக உணரமுடியவில்லை என்கின்றனர். பெங்களூரு 4ம் இடத்தில் உள்ளது.

டெல்லி – காலையில் தாமதமாக கண் விழிப்பதில் டெல்லிவாசிகளுக்கு நிகரில்லை என்கிறது இந்த ஆய்வு, அதாவது, 45% தாமதமாக கண்விழிக்கின்றனர். தூக்கமின்மை உளைச்சல் உள்ளவர்கள் 32%- 5ம் இடம்.

கொல்கத்தா – இரவு நேர வாழ்க்கை அதிகம். 75% மக்கள் இரவு வெகுதாமதமாகப் படுக்கைக்குச் செல்கின்றனர். இரவு ஊர்சுற்றல் அதிகமுள்ள நகரமாக உள்ளது கொல்கத்தா. - 6ம் இடம்.

கடைசி இடத்தில் மும்பை தூங்கா நகரமாக உள்ளது. சுமார் 77% மக்கள் தாமதமாக பின்னிரவில் படுக்கைக்குச் செல்கின்றனர். 42.5% தாமதமாகக் கண்விழிக்கின்றனர். விழித்த பிறகும் சோர்வாக இருப்பவர்கள் 62% . வேலை நேரத்தில் தூங்கி வழிபவர்களாக 60% பேர் ஒப்புக் கொண்டுள்ளனர்.

இந்தியர்களின் தூக்கத்தை கெடுக்கும் முக்கியக் காரணம் என்ன?

மொபைல் போன்!

• 87.6% பேர் படுக்கும் முன் மொபைல் போன் பயன்படுத்துகிறார்கள்

• Social media, தொடர்ந்து OTT-யில் படங்கள் சிரீஸ் பார்ப்பது – முக்கியக் காரணங்கள்

• 33.4% பேர் “எனக்கு insomnia இருக்குமோ?” என்று பயப்படுகிறார்கள்.

வேலைக்கும் பாதிப்பு!

தூக்கமின்மை வேலை திறனை நேரடியாக பாதிக்கிறது.

• 57.8% பேர் வேலை நேரத்தில் தூக்கமாக இருக்கிறார்கள்

• டெல்லி (64.4%), பெங்களூரு (61.7%), மும்பை (59.2%) – அதிக பாதிப்பு

இந்தியர்கள் – தாமதமாக தூங்கும் பழக்கம் அதிகரிப்பு

• 12% பேர் மட்டுமே இரவு 10 மணிக்குள் படுக்கிறார்கள்

• 60% பேர் 11 மணிக்குப் பிறகு தான் தூங்குகிறார்கள்

• 29.1% பேர் “Late sleep + Early wake” – 5–6 மணி நேரம் மட்டுமே தூக்கம்.

சிறந்த தூக்கத்திற்கு மக்கள் என்ன சொல்கிறார்கள்?

• 35.8% – நல்ல mattress இருந்தால் தூக்கம் மேம்படும்

• 34.8% – மொபைல் போனை தவிர்த்தால் நல்லது

• 29.5% – ஒழுங்கான நேரம் பின்பற்ற வேண்டும்.

இந்த ஆய்வு கூற வருவது என்னவெனில், இந்தியா முழுவதும் ’தூக்க நெருக்கடி’ அதிகரித்து வருகிறது.

சென்னை ஆரோக்கியமான உறக்கத்தில் முன்னிலையில் இருந்தாலும், முழுமையான ஓய்வு இன்னும் சவாலாகவே உள்ளது.

“நல்ல தூக்கம் என்பது சுகாதாரத்தின் அடித்தளம்” — ஆனால் இன்றைய டிஜிட்டல் வாழ்க்கை அதை மெதுவாக பறித்து கொண்டிருக்கிறது.

சரி... இன்று நீங்கள் எத்தனை மணிக்குத் தூங்கச் செல்வீர்கள்?