ஹோம்

Stock News: தொடரும் ஈரான் போர்; கச்சா எண்ணெய் விலை தாக்கம் - பங்குச் சந்தையில் கடும் வீழ்ச்சி!

ஈரான் மீதான அமெரிக்க, இஸ்ரேல் போர் தாக்கத்தால் இந்தியா உள்ளிட்ட பல நாடுகளில் எரிபொருள் விநியோகம் தடைபட்டுள்ளது. குறிப்பாக, கச்சா எண்ணெய் விலை பேரலுக்கு 100 டாலர்களை கடந்துவிட்டது. இது இப்போது பங்குச் சந்தையிலும் எதிரொலித்து வருகிறது.

01:25:04 pm - Mar 12, 2026 | Jai s

கச்சா எண்ணெய் விலை உயர்வின் தாக்கத்தால் மும்பை மற்றும் தேசிய பங்குச் சந்தையில் சரிவுப் போக்கு நீடிக்கிறது.

மும்பை பங்குச் சந்தையில் இன்று காலையில் வர்த்தகம் தொடங்கும்போது சென்செக்ஸ் 992.53 புள்ளிகள் சரிந்து 75,871.18 ஆக இருந்தது. அதேவேளையில், தேசிய பங்குச் சந்தையில் நிஃப்டி 310.55 புள்ளிகள் சரிந்து 23,556.30 ஆக இருந்தது.

“ஈரான் மீதான அமெரிக்க, இஸ்ரேல் போர் தாக்கத்தால் இந்தியா உள்ளிட்ட பல நாடுகளில் எரிபொருள் விநியோகம் தடைபட்டுள்ளது. குறிப்பாக, கச்சா எண்ணெய் விலை பேரலுக்கு 100 டாலர்களை கடந்துவிட்டது. இது இப்போது பங்குச் சந்தையிலும் எதிரொலித்து வருகிறது,” என்று வர்த்தக நிபுணர்கள் கூறுகின்றனர்.

மும்பை பங்குச் சந்தையின் இன்றைய முற்பகல் வர்த்தகத்தில் என்டிபிசி, பவர் கிரிட் கார்ப்பரேஷன், டெக் மஹிந்திரா, ஹெச்சிஎல் டெக்னாலஜிஸ், பாரதி ஏர்டெல், சன் பார்மா, ஹெச்டிஎஃப்சி பேங்க், டைடன் கம்பெனி நிறுவனப் பங்குகள் மட்டுமே ஏற்றம் கண்டிருந்தன. ஏனைய பல்வேறு நிறுவனப் பங்குகளும் சரிவை சந்தித்தன.

இன்று பிற்பகல் 1 மணியளவில் சென்செக்ஸ் 473.53 புள்ளிகள் சரிந்து 76,391.25 ஆகவும், நிஃப்டி 144.45 புள்ளிகள் சரிந்து 23,722.40 ஆகவும் இருந்தது.

காரணம் என்ன?

அமெரிக்க பங்குச் சந்தை வீழ்ச்சியுடன் நிறைவுற்றது. ஆசிய பங்குச் சந்தைகளைப் பொறுத்தவரையில் ஜப்பான், தென் கொரியா, ஷாங்காய் மற்றும் ஹாங்காங்கில் சரிவே நிலவுகிறது. ஈரான் மீதான அமெரிக்க, இஸ்ரேல் போர் தாக்கத்தால் இந்தியா உள்ளிட்ட பல நாடுகளில் எரிபொருள் விநியோகம் தடைபட்டுள்ளது. குறிப்பாக, கச்சா எண்ணெய் விலை பேரலுக்கு 100 டாலர்களை கடந்துவிட்டது. இது இப்போது பங்குச் சந்தையிலும் எதிரொலித்து வருகிறது.