ஹோம்

Stock News: கச்சா எண்ணெய் விலை சரிவு - பங்குச் சந்தை எழுச்சி நீடிப்பு!

அமெரிக்கா - ஈரான் அமைதி ஒப்பந்தம் தாக்கத்தால் கச்சா எண்ணெய் விலை வெகுவாக குறைந்துள்ளது. சர்வதேச பங்குச் சந்தையிலும் ஏற்றம் நிலவுகிறது. இது இந்திய பங்குச் சந்தையிலும் எதிரொலித்து வருகிறது.

12:21:41 pm - Jun 16, 2026 | Jai s

கச்சா எண்ணெய் விலை சரிவு உள்ளிட்ட காரணங்களால், இந்திய பங்குச் சந்தை எழுச்சி நீடிக்கிறது.

மும்பை பங்குச் சந்தையில் இன்று காலையில் வர்த்தகம் தொடங்கும்போது சென்செக்ஸ் 272.87 புள்ளிகள் உயர்ந்து 76,537.20 ஆக இருந்தது. அதேவேளையில், தேசிய பங்குச் சந்தையில் நிஃப்டி 69.15 புள்ளிகள் உயர்ந்து 23,921.55 ஆக இருந்தது.

“அமெரிக்கா - ஈரான் அமைதி ஒப்பந்தம் தாக்கத்தால் கச்சா எண்ணெய் விலை வெகுவாக குறைந்துள்ளது. சர்வதேச பங்குச் சந்தையிலும் ஏற்றம் நிலவுகிறது. இது இந்திய பங்குச் சந்தையிலும் எதிரொலித்து வருகிறது,” என்று நிபுணர்கள் கூறுகின்றனர்.

மும்பை பங்குச் சந்தையின் இன்றைய முற்பகல் வர்த்தகத்தில் என்டிபிசி, சன் பார்மா, டிசிஎஸ், அதானி போர்ட்ஸ் உள்ளிட்ட நிறுவனப் பங்குகள் ஏற்றம் கண்டிருந்தன. எடர்னல், ஆக்சிஸ் பேங்க், இண்டஸ்இண்ட் பேங்க், பவர் கிரிட் கார்ப்பரேஷன் உள்ளிட்ட நிறுவனப் பங்குகள் சரிவை சந்தித்தன.

இன்று முற்பகல் 11 மணியளவில் சென்செக்ஸ் 404.25 புள்ளிகள் உயர்ந்து 76,668.58 ஆகவும், நிஃப்டி 101.30 புள்ளிகள் உயர்ந்து 23,955.20 ஆகவும் இருந்தது.

காரணம் என்ன?

அமெரிக்க பங்குச் சந்தை ஏற்றத்துடன் நிறைவுற்றது. ஆசிய பங்குச் சந்தைகளிலும் எழுச்சி நிலவுகிறது. அமெரிக்கா - ஈரான் அமைதி ஒப்பந்தம் தாக்கத்தால் கச்சா எண்ணெய் விலை வெகுவாக குறைந்துள்ளது. சர்வதேச பங்குச் சந்தையிலும் ஏற்றம் நிலவுகிறது. இது இந்திய பங்குச் சந்தையிலும் எதிரொலித்து வருகிறது.