தலைமைப் பண்பு என்று வரும்போது நாம் பெரும்பாலும் உச்சத்தில் இருக்கும் ஒருவரை கற்பனை செய்கிறோம். கட்டளையிடுவது, கவனத்தை ஈர்ப்பது மற்றும் ஒரு மதிப்புமிக்க பதவியை வைத்திருப்பது என்று நாம் நினைக்கிறோம்.
ஆனால், தலைமை என்பது படிநிலையால் மட்டுமே வரையறுக்கப்படுவதல்ல. யாரும் பார்க்காதபோதும் கூட, நீங்கள் மற்றவர்களிடம் எவ்வாறு நடந்துகொள்கிறீர்கள் என்பதன் மூலம் அது வரையறுக்கப்படுகிறது.
உண்மையில், நீங்கள் ஒரு தலைவர் என்பதற்கான சில வலுவான அறிகுறிகள் வெளிப்படையாக தெரியாது. அவை, அமைதியான உள்ளுணர்வுகளாகவும், முக்கியமற்றதாகத் தோன்றக்கூடிய தருணங்களாகவும் இருக்கும்.
படம்: மெட்டா ஏஐ
நீங்கள் ஒரு தலைவராக இருக்கலாம் என்பதற்கான 7 அசாதாரண அறிகுறிகளை இங்கே பார்க்கலாம்!
1. நீங்கள் விரைவாகப் பாராட்டைப் பகிர்ந்து கொள்வீர்கள்
யாராவது உங்களுக்குப் பாராட்டு தெரிவிக்கும்போது, அதை நீங்கள் தன்னிச்சையாக உங்கள் குழுவினருக்கும் கடத்துகிறீர்களா? இது தவறான அடக்கம் அல்ல; இதுதான் தலைமைத்துவம்.
இயல்பான தலைவர்கள் மற்றவர்களை மேம்படுத்துவதற்காகக் காத்திருப்பார்கள். வெற்றி என்பது ஒரு தனிச் செயல் அல்ல என்பதை அவர்கள் அறிவார்கள். மேலும், அவர்கள் தங்களைப் புகழ்ந்து பேசுவதை விட அணியின் பங்கை முன்னிலைப்படுத்த விரும்புகிறார்கள்.
2. மக்கள் இயல்பாகவே உங்களிடம் மனம் திறந்து பேசுவர்
ஒருவர் உங்களிடம் மனம் விட்டு பேசுவதை கேட்கிறீர்களா? உங்கள் இருப்பில் பாதுகாப்பாக உணர வைக்கும் ஏதோ ஒன்று உள்ளது. நீங்கள் அவர்களுக்கு அப்படியான பாதுகாப்பு உணர்வை ஏற்படுத்துகிறீர்கள். இந்த உணர்ச்சிபூர்வமான வெளிப்படைத்தன்மை நம்பிக்கையுடன் வழிநடத்தும் ஒருவரின் அடையாளமாகும்.
தலைவர்கள் தங்கள் செல்வாக்கை கட்டாயப்படுத்த மாட்டார்கள். மற்றவர்கள் உண்மையாக இருக்க, வசதியாக உணரும் சூழ்நிலையை அவர்கள் உருவாக்குவார்கள்.
படம்: மெட்டா ஏஐ
3. செயல்பாடுகளை கேள்வி கேட்பீர்கள்
நீண்டகால செயல்முறைகளை கேள்விக்குள்ளாக்குவது நீங்கள்தான். ஆனால், அது பிரச்சினையை உண்டாக்க அல்ல. மாறாக, சூழலை மேம்படுத்துவதற்காக.
திறமையின்மையை மற்றவர்கள் ஏற்றுக்கொண்டாலும், நீங்கள் இயல்பாகவே விஷயங்களைச் செய்வதற்கான சிறந்த, வேகமான, நியாயமான வழிகளைத் தேடுகிறீர்கள். அந்த தொடர்ச்சியான ஆர்வம் ஒரு சிறந்த குணம்.
உண்மையான தலைவர்கள் அதுபோன்ற நிலையை எதிர்கொள்ள பயப்படுவதில்லை. அதை மேம்படுத்துவதற்கான ஆழமான பொறுப்பை அவர்கள் உணர்கிறார்கள்.
4. தயக்கமின்றி பொறுப்பேற்கிறீர்கள்
சூழல் மோசம் அடையும்போது, நீங்கள் ஒரு பலிகடாவைத் தேட மாட்டீர்கள். பழியைத் திசைதிருப்புவது எளிதாக இருந்தாலும், தலைவர்கள் எனப்படுபவர்கள் தாமே முன்வந்து, குழுவைப் பாதுகாக்கவும் பொறுப்புக்கூறலை ஏற்கவும் தயாராக இருப்பார்கள். பொறுப்பை ஏற்கும் இந்த அனிச்சை செயல், முன்னணியில் இருந்து வழிநடத்தும் ஒருவரின் தெளிவான அறிகுறியாகும்.
படம்: மெட்டா ஏஐ
5. மற்றவர்களின் வளர்ச்சியில் உண்மையிலேயே ஈடுபாடு கொண்டவர்
மற்றவர் செழித்து வளர்வதைப் பார்ப்பது போல் உங்களை மகிழச் செய்வது வேறு எதுவும் இல்லை. சக ஊழியர் ஒரு பெரிய வாய்ப்பைப் பெறுவதாக இருந்தாலும் சரி அல்லது ஓர் இளைய ஊழியர் பணியில் தேர்ச்சி பெறுவதாக இருந்தாலும் சரி, அவர்களின் வெற்றிகளால் நீங்கள் உண்மையிலேயே திருப்தி அடைவீர்கள். மற்றவர்களின் வளர்ச்சியில் அந்த உணர்வுபூர்வமான முதலீடு, தலைமைத்துவத்துக்கான முக்கிய பண்பு.
6. சொல்லப்படாதவற்றை கவனிக்கிறீர்கள்
ஒருவர் தான் “நான் நன்றாக இருக்கிறேன்” என்று சொல்வது உண்மையல்ல என்பதை நீங்கள் அறியலாம். சிறந்த தலைவர்கள் சொல்லப்படுவதைக் கேட்பது மட்டுமல்லாமல், சொல்லப்படாதவற்றையும் கேட்கிறார்கள்.
நுட்பமான உணர்வு மாற்றங்களைக் கண்டறிந்து சரியான நேரத்தில் சரிபார்க்கும் உங்கள் திறன் உயர்ந்த நுண்ணறிவைக் காட்டுகிறது. இது நம்பிக்கையையும் ஆழமான தொடர்பையும் வளர்க்கும் ஓர் அமைதியான அம்சம் ஆகும்.
7. அணியின் ஆற்றலைப் பற்றி கவனத்தில் கொள்கிறீர்கள்
அறையில் ஆற்றல் குறைந்தால், நீங்கள் அதை உணர்கிறீர்கள். அதை சரிசெய்ய விரும்புகிறீர்கள். நீங்கள் தொடர்ந்து குழுவின் இயக்கவியலை ஆராய்ந்து வருகிறீர்கள். யார் விலகி இருக்கிறார்கள் அல்லது ஒதுக்கி வைக்கப்படுகிறார்கள் என்பதை அறிந்திருக்கிறீர்கள்.
தலைவர்கள் இயல்பாகவே ஒரு குழுவின் உணர்வு எடையைச் சுமக்கிறார்கள். நீங்கள் அதை உணராமல் இருக்கலாம்; ஆனால் மன உறுதியை உயர்த்திக் கொள்ள வேண்டும் என்ற உந்துதல் அணியின் முன்னேற்றத்துக்கான உங்கள் ஆழமான பொறுப்புணர்வை வெளிப்படுத்துகிறது.
இந்த அடையாளங்கள் எதற்கும் ஒரு பதவியோ, தனி அலுவலகமோ தேவையில்லை. அவை உள்ளுணர்வு, ஆழ்ந்த அக்கறை, மற்றவர்களுக்காக சிந்திப்பது போன்ற இடத்திலிருந்து வருகின்றன.
எனவே, இந்த நுட்பமான அறிகுறிகளில் ஏதேனும் ஒன்றை நீங்கள் உங்களிடம் பார்த்திருந்தால், அவற்றை புறக்கணிக்காதீர்கள். நீங்கள் அந்த பண்பை வெளிப்படையாக உங்களிடம் பார்க்காவிட்டாலும் நீங்கள் ஏற்கெனவே முன்மாதிரியாக வழிநடத்துகிறீர்கள். உலகிற்கு அதிகம் தேவைப்படும் தலைமை இதுதான்.
மூலம்: ஆஸ்மா கான்
Edited by Induja Raghunathan
