ஆபரணத் தங்கத்தின் விலை தொடர்ந்து உயர்வு பெற்று புதிய உச்சங்களைத் தொட்டு வந்த நிலையில், பொங்கல் பண்டிகை கொண்டாடப்பட்டு வரும் இந்த வேளையில் சற்றே குறைந்துள்ளது ஆறுதல் தந்துள்ளது.
சென்னையில் வியாழக்கிழமை சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.13,290 ஆகவும், ஒரு சவரன் விலை ரூ.1,06,320 ஆகவும் இருந்தது. அதேவேளையில், 24 காரட் சுத்தத் தங்கம் 1 கிராம் விலை ரூ.14,498 ஆகவும், சவரன் விலை ரூ.1,15,464 ஆகவும் விற்பனை ஆனது.
ஆபரணத் தங்கம் விலை இன்று ரூ.480 குறைந்தாலும் கூட, சவரன் விலை ரூ.1.05 லட்சத்துக்கு மேலாகவே நீடிக்கிறது. வெள்ளி விலையும் இன்று சற்று குறைந்துள்ளது. தற்போதைய சூழலில், சுப காரியங்களுக்கு அவசரம் எனில் மட்டும் நகை வாங்கலாம். ஆனால், முதலீடு என்று வரும்போது உங்களின் நிதிச் சூழலைப் பொறுத்து, தனிப்பட்ட ஆலோசனை பெறுவது அவசியம் என்கின்றனர் வர்த்தக நிபுணர்கள்.
தங்கம் விலை நிலவரம் - வெள்ளிக்கிழமை (16.1.2026):
சென்னையில் இன்று சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.60 குறைந்து ரூ.13,230 ஆகவும், ஒரு சவரன் விலை ரூ.480 குறைந்து ரூ.1,05,840 ஆகவும் இருக்கிறது. அதேவேளையில், 24 காரட் சுத்தத் தங்கம் 1 கிராம் விலை ரூ.65 குறைந்து ரூ.14,433 ஆகவும், சவரன் விலை ரூ.520 குறைந்து ரூ.1,15,564 ஆகவும் விற்பனை ஆகிறது.
வெள்ளி விலை:
சென்னையில் இன்று (16.1.2026) 1 கிராம் வெள்ளி ரூ.4 குறைந்து ரூ.306 ஆகவும், ஒரு கிலோ வெள்ளி விலை ரூ.4,000 குறைந்து ரூ.3,06,000 ஆகவும் விற்பனை ஆகிறது.
தங்கம் விலை குறைவு ஏன்?
சர்வதேச பொருளாதார சூழல், ரூபாய் - டாலர் மதிப்பு உள்ளிட்ட காரணிகளால் தங்கம் விலையில் மாற்றம் ஏற்படுகிறது. குறிப்பாக, அமெரிக்க டாலருக்கு நிகரான ரூபாய் மதிப்பு வீழ்ச்சி காணும்போதெல்லாம் தங்கம் விலை உயரும். தற்போது, டாலருக்கு நிகரான ரூபாய் மதிப்பு ரூ.90.54 ஆக உள்ளது.
தற்போது ரூபாய் மதிப்பு மீண்டும் கடுமையாக வீழ்ச்சி கண்டுள்ளது. எனினும், முதலீட்டாளர்கள் பார்வை மீண்டும் பங்குச் சந்தை பக்கம் சாய்ந்துள்ளதால், தங்கம் மீதான முதலீடு குறைந்து, ஆபரணத் தங்கம் விலையும் சற்று சரிந்துள்ளது. எனினும், இந்தப் போக்கு நீடிப்பது கடினமே என வர்த்தக நிபுணர்கள் கூறுகின்றனர்.
தங்கம் விலை @ சென்னை
> 22 காரட் தங்கம் 1 கிராம் - ரூ.13,230 (ரூ.60 குறைவு)
> 22 காரட் தங்கம் 8 கிராம் - ரூ.1,05,840 (ரூ.480 குறைவு)
> 24 காரட் தங்கம் 1 கிராம் - ரூ.14,433 (ரூ.65 குறைவு)
> 24 காரட் தங்கம் 8 கிராம் - ரூ.1,15,564 (ரூ.480 குறைவு)
தங்கம் விலை @ மும்பை
> 22 காரட் தங்கம் 1 கிராம் - ரூ.13,230 (ரூ.60 குறைவு)
> 22 காரட் தங்கம் 8 கிராம் - ரூ.1,05,840 (ரூ.480 குறைவு)
> 24 காரட் தங்கம் 1 கிராம் - ரூ.14,433 (ரூ.65 குறைவு)
> 24 காரட் தங்கம் 8 கிராம் - ரூ.1,15,564 (ரூ.480 குறைவு)
Edited by Induja Raghunathan
