கடந்த மூன்று நாட்களாக கடுமையாக உயர்ந்து உச்சம் தொட்டு வந்த ஆபரணத் தங்கத்தின் விலை இன்று வெகுவாக தணிந்துள்ளது, நகை வாங்க விழைவோருக்கு சற்றே ஆறுதலைத் தந்துள்ளது.

சென்னையில் புதன்கிழமை இருமுறை தங்கம் விலை உயர்ந்தது. அதன்படி, சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.14,415 ஆகவும், ஒரு சவரன் விலை ரூ.1,15,320 ஆகவும் இருந்தது. அதேவேளையில், 24 காரட் சுத்தத் தங்கம் 1 கிராம் விலை ரூ.15,726 ஆகவும், சவரன் விலை ரூ.1,25,808 ஆகவும் விற்பனை ஆனது.

ஆபரணத் தங்கம் விலை இன்று ஒரே நாளில் ரூ.1,729 குறைந்துள்ளது. எனினும், சவரன் விலை ரூ.1.13 லட்சத்துக்கு மேலாகவே உள்ளது. வெள்ளி விலையும் இன்று சற்றே குறைந்துள்ளது. தற்போதைய சூழலில், சுப காரியங்களுக்கு அவசரம் எனில் மட்டும் நகை வாங்கலாம். ஆனால், முதலீடு என்று வரும்போது உங்களின் நிதிச் சூழலைப் பொறுத்து, தனிப்பட்ட ஆலோசனை பெறுவது அவசியம் என்கின்றனர் வர்த்தக நிபுணர்கள்.

தங்கம் விலை நிலவரம் - வியாழக்கிழமை (22.1.2026):

சென்னையில் இன்று சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.215 குறைந்து ரூ.14,200 ஆகவும், ஒரு சவரன் விலை ரூ.1,720 குறைந்து ரூ.1,13,600 ஆகவும் இருக்கிறது. அதேவேளையில், 24 காரட் சுத்தத் தங்கம் 1 கிராம் விலை ரூ.235 குறைந்து ரூ.15,491 ஆகவும், சவரன் விலை ரூ.1,880 குறைந்து ரூ.1,23,928 ஆகவும் விற்பனை ஆகிறது.

வெள்ளி விலை:

சென்னையில் இன்று (22.1.2026) 1 கிராம் வெள்ளி ரூ.5 குறைந்து ரூ.340 ஆகவும், ஒரு கிலோ வெள்ளி விலை ரூ.5,000 குறைந்து ரூ.3,40,000 ஆகவும் விற்பனை ஆகிறது.

தங்கம் விலை குறைவு ஏன்?

சர்வதேச பொருளாதார சூழல், ரூபாய் - டாலர் மதிப்பு உள்ளிட்ட காரணிகளால் தங்கம் விலையில் மாற்றம் ஏற்படுகிறது. குறிப்பாக, அமெரிக்க டாலருக்கு நிகரான ரூபாய் மதிப்பு வீழ்ச்சி காணும்போதெல்லாம் தங்கம் விலை உயரும். தற்போது, டாலருக்கு நிகரான ரூபாய் மதிப்பு ரூ.91.60 ஆக உள்ளது. ரூபாய் மதிப்பின் வரலாறு காணாத வீழ்ச்சி தொடர்ந்தாலும் கூட, சர்வதேச அளவில் தங்கம் மீதான முதலீடு சற்றே குறைந்ததால், ஆபரணத் தங்கம் விலையும் இப்போது தணிந்துள்ளது.

தங்கம் விலை @ சென்னை

> 22 காரட் தங்கம் 1 கிராம் - ரூ.14,200 (ரூ.215 குறைவு)

> 22 காரட் தங்கம் 8 கிராம் - ரூ.1,13,600 (ரூ.1,720 குறைவு)

> 24 காரட் தங்கம் 1 கிராம் - ரூ.15,491 (ரூ.235 குறைவு)

> 24 காரட் தங்கம் 8 கிராம் - ரூ.1,23,928 (ரூ.1,880 குறைவு)

தங்கம் விலை @ மும்பை

> 22 காரட் தங்கம் 1 கிராம் - ரூ.14,200 (ரூ.215 குறைவு)

> 22 காரட் தங்கம் 8 கிராம் - ரூ.1,13,600 (ரூ.1,720 குறைவு)

> 24 காரட் தங்கம் 1 கிராம் - ரூ.15,491 (ரூ.235 குறைவு)

> 24 காரட் தங்கம் 8 கிராம் - ரூ.1,23,928 (ரூ.1,880 குறைவு)