Stock News: தடுமாறும் பங்குச் சந்தை - இறங்கு முகம் காணும் பங்குகள் எவை?

வெளிநாட்டு முதலீட்டாளர்கள் தங்கள் வசமுள்ள பங்குகளை விற்பதில் மட்டுமே ஆர்வம் காட்டியதால் இந்திய பங்குச் சந்தையில் மீண்டும் தடுமாற்றம் தொற்றிக் கொண்டது. எனினும், விரைவில் மீள வாய்ப்புள்ளது.

11:33:55 am - Jan 23, 2026 | Jai s

உள்ளூர் முதலீட்டாளர்கள் மத்தியில் பிறந்துள்ள புதிய நம்பிக்கை உள்ளிட்ட காரணிகளால் இந்திய பங்குச் சந்தையில் பச்சை விளக்கு எரிய ஆரம்பித்துள்ளது. சென்செக்ஸ், நிஃப்டி புள்ளிகள் மீளத் தொடங்கின.

இன்று காலை ஏற்றத்துடன் தொடங்கிய வேகத்தில் தடுமாற்றம் காண ஆரம்பித்தது பங்குச் சந்தை. மும்பை பங்குச் சந்தையில் இன்று (ஜன.22) காலை 10 மணியளவில் சென்செக்ஸ் 22.13 புள்ளிகள் சரிந்து 82,285.24 ஆக இருந்தது. அதேவேளையில், தேசிய பங்குச் சந்தையில் நிஃப்டி 2.95 புள்ளிகள் சரிந்து 25,286.95 ஆக இருந்தது.

“வெளிநாட்டு முதலீட்டாளர்கள் தங்கள் வசமுள்ள பங்குகளை விற்பதில் மட்டுமே ஆர்வம் காட்டியதால் இந்திய பங்குச் சந்தையில் மீண்டும் தடுமாற்றம் தொற்றிக் கொண்டது. எனினும், விரைவில் மீள வாய்ப்புள்ளது” என வர்த்தக நிபுணர்கள் கூறுகின்றனர்.

மும்பை பங்குச் சந்தையின் இன்றைய வர்த்தகத்தில் என்டிபிசி, டெக் மஹிந்திரா, கோடக் மஹிந்திரா பேங்க், இன்போசிஸ், எஸ்பிஐ, பாரதி ஏர்டெல், ஐடிசி உள்ளிட்ட நிறுவனப் பங்குகள் ஏற்றம் கண்டிருந்தன. அதானி போர்ட்ஸ், ஏசியன் பெயின்ட்ஸ், பஜாஜ் ஃபின்சர்வ், ஆக்சிஸ் பேங்க், நெஸ்லே இந்தியா, எல் அண்ட் டி உள்ளிட்ட பல நிறுவனப் பங்குகள் சரிவை சந்தித்தன.

இன்று முற்பகல் 11.30 மணியளவில் சென்செக்ஸ் 90.27 புள்ளிகள் சரிந்து 82,217.09 ஆகவும், நிஃப்டி 21.25 புள்ளிகள் சரிந்து 25,268.65 ஆகவும் இருந்தது.

காரணம் என்ன?

அமெரிக்க பங்குச் சந்தையில் வர்த்தகம் நடக்கவில்லை. ஆசிய பங்குச் சந்தைகளைப் பொறுத்தவரையில் தென் கொரியா, ஜப்பான், ஹாங்காங் மற்றும் ஷாங்காய் என அனைத்திலும் ஏற்றமே நிலவியது. எனினும், வெளிநாட்டு முதலீட்டாளர்கள் தங்கள் வசமுள்ள பங்குகளை விற்பதில் மட்டுமே ஆர்வம் காட்டியதால் இந்திய பங்குச் சந்தையில் மீண்டும் தடுமாற்றம் தொற்றிக் கொண்டது.