இன்போசிஸ் நிறுவனம் தனது மூன்றாவது காலாண்டு முடிவுகளை வெளியிட்டுள்ளது. அதன்படி நிறுவன வருவாய் 5% சதவீதம் அதிகரித்துள்ளது. இது, மும்பை மற்றும் தேசிய பங்குச் சந்தையின் எழுச்சிக்கு வித்திட்டுள்ளது.
மும்பை பங்குச் சந்தையில் இன்று (ஜன.16) காலை வர்த்தகம் தொடங்கும்போது சென்செக்ஸ் 343.44 புள்ளிகள் உயர்ந்து 83,726.15 ஆக இருந்தது. அதேவேளையில், தேசிய பங்குச் சந்தையில் நிஃப்டி 77.65 புள்ளிகள் உயர்ந்து 25,743.25 ஆக இருந்தது.
“இந்தியா - அமெரிக்கா வர்த்தக ஒப்பந்தம் இறுதியாகும் நிலையில் இருப்பது, இன்போசிஸ் நிறுவனத்தின் மூன்றாவது காலாண்டு லாபம் உள்ளிட்ட காரணங்களால் இந்திய பங்குச் சந்தையில் புத்தெழுச்சி ஏற்பட்டுள்ளது” என வர்த்தக நிபுணர்கள் கூறுகின்றனர்.
மும்பை பங்குச் சந்தையின் இன்றைய வர்த்தகத்தில் இன்போசிஸ், டெக் மஹிந்திரா, ஹெச்சிஎல் டெக்னாலஜிஸ், கோடக் மஹிந்திரா பேங்க், எல் அண்ட் டி உள்ளிட்ட பெரும்பாலான நிறுவனப் பங்குகள் ஏற்றம் கண்டுள்ளன. எனினும் ஆக்சிஸ் பேங்க், ஐசிஐசிஐ பேங்க், மாருதி சுசுகி, பாரதி ஏர்டெல், ஐடிசி, எடர்னல் லிட், சன் பார்மா நிறுவனப் பங்குகள் சரிவை சந்தித்துள்ளன.
இன்று முற்பகல் 11.30 மணியளவில் சென்செக்ஸ் 538.83 புள்ளிகள் உயர்ந்து 83,921.54 ஆகவும், நிஃப்டி 146.55 புள்ளிகள் உயர்ந்து 25,812.15 ஆகவும் இருந்தது.
காரணம் என்ன?
அமெரிக்க பங்குச் சந்தை ஏற்றத்துடன் நிறைவுற்றது. ஆசிய பங்குச் சந்தைகளைப் பொறுத்தவரையில் தென் கொரியாவில் மட்டும் ஏற்றம் நிலவுகிறது. ஜப்பான், ஷாங்காங், மற்றும் ஷாங்காயில் சரிவு நிலவுகிறது. எனினும், இந்தியா - அமெரிக்கா இடையிலான வர்த்தக ஒப்பந்தம் இறுதியாகும் நிலையில் இருப்பது, இன்போசிஸ் நிறுவனத்தின் மூன்றாவது காலாண்டு லாபம் உள்ளிட்ட காரணங்களால் இந்திய பங்குச் சந்தையில் புத்தெழுச்சி ஏற்பட்டுள்ளது. வெளிநாட்டு முதலீடுகளின் வரத்தும் சற்றே அதிகரித்துள்ளது.
ஏற்றம் காணும் பங்குகள்:
எம் அண்ட் எம்
எல் அண்ட் டி
பஜாஜ் ஃபைனான்ஸ்
எஸ்பிஐ
பஜாஜ் ஃபின்சர்வ்
டெக் மஹிந்திரா
கோடக் மஹிந்திரா பேங்க்
ஹெச்டிஎஃப்சி பேங்க்
ஹிந்துஸ்தான் யூனிலீவர்
ஏசியன் பெயின்ட்ஸ்
டிசிஎஸ்
டாடா ஸ்டீல்
இண்டஸ்இண்ட் பேங்க்
என்டிபிசி
டாடா மோட்டார்ஸ்
ரிலையன்ஸ் இண்டஸ்ட்ரீஸ்
அல்ட்ராடெக் சிமென்ட்ஸ்
டைடன் கம்பெனி
அதானி போர்ட்ஸ்
இன்போசிஸ்
நெஸ்லே இந்தியா
பவர் கிரிட் கார்ப்பரேஷன்
ஹெச்சிஎல் டெக்னலாஜிஸ்
இறங்கு முகம் காணும் பங்குகள்:
ஆக்சிஸ் பேங்க்
ஐசிஐசிஐ பேங்க்
மாருதி சுசுகி
பாரதி ஏர்டெல்
ஐடிசி
எடர்னல் லிட்
சன் பார்மா
ரூபாய் மதிப்பு
இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.90.54 ஆக இருந்தது.
Edited by Induja Raghunathan