சர்வதேச பங்குச் சந்தைகளின் பாதகமான போக்கு, இன்றைய இந்திய பங்குச் சந்தை வர்த்தகத்திலும் எதிரொலித்துள்ளது. சென்செக்ஸ் 300+ புள்ளிகள் சரிந்தன. எனினும், ஒரு சில நிறுவனப் பங்குகளின் மவுசு கூடியிருப்பது கவனிக்கத்தக்கது.
மும்பை பங்குச் சந்தையில் இன்று (ஆக.1) காலை வர்த்தகம் தொடங்கும்போது, சென்செக்ஸ் 111.17 புள்ளிகள் சரிந்து 81,074.41 ஆக இருந்தது. அதேவேளையில், தேசிய பங்குச் சந்தையில் நிஃப்டி 33.45 புள்ளிகள் சரிந்து 24,734.90 ஆக இருந்தது.
ட்ரம்ப்பின் வரி விதிப்பு தாக்கம் உள்ளிட்ட காரணங்களால் இந்திய பங்குச் சந்தைகளில் வீழ்ச்சி நிலவுகிறது. இந்த சரிவுப் போக்கு தொடரும் என அஞ்சப்படுகிறது. பெரும்பாலான நிறுவனப் பங்குகள் வீழ்ச்சி கண்ட வேளையிலும் அதானி போர்ட்ஸ், இந்துஸ்தான் யூனிலீவர், ஐடிசி, நெஸ்லே இந்தியா, கோடக் மஹிந்திரா பேங்க், ரிலையன்ஸ் இண்டஸ்ட்ரீஸ், எஸ்பிஐ மற்றும் பஜாஜ் ஃபைனான்ஸ் ஆகிய நிறுவனப் பங்குகள் ஏற்றம் கண்டுள்ளன.
இன்று பிற்பகல் 12.20 மணியளவில் சென்செக்ஸ் 311.88 புள்ளிகள் சரிந்து 80,873.70 ஆகவும், நிஃப்டி 117.75 புள்ளிகள் சரிந்து 24,650.60 ஆகவும் இருந்தது.
காரணம் என்ன?
அமெரிக்க பங்குச் சந்தை வர்த்தகம் வீழ்ச்சியுடன் நிறைவு பெற்றது. ஆசிய பங்குச் சந்தைகளைப் பொறுத்தவரையில் டோக்கியோ, சியோல், ஹாங்காங் மற்றும் ஷாங்காங் என அனைத்திலும் சரிவுப் போக்கு நிலவியது. இதுவும் இந்திய பங்குச் சந்தைகளில் எதிரொலிக்கிறது.
இத்துடன், இந்தியாவுக்கு 25 சதவீத இறக்குமதி வரியை அமெரிக்கா விதித்தது, வெளிநாட்டு முதலீடுகளின் வரத்து குறைந்தது உள்ளிட்ட காரணிகளால் மும்பை மற்றும் தேசிய பங்குச் சந்தைகளில் கடும் வீழ்ச்சி நிலவுகிறது.
ஏற்றம் காணும் பங்குகள்:
அதானி போர்ட்ஸ்
இந்துஸ்தான் யூனிலீவர்
ஐடிசி
நெஸ்லே இந்தியா
கோடக் மஹிந்திரா பேங்க்
ரிலையன்ஸ் இண்டஸ்ட்ரீஸ்
எஸ்பிஐ
பஜாஜ் ஃபைனான்ஸ்
இறங்கு முகம் காணும் பங்குகள்:
பவர் கிரிட் கார்ப்பரேஷன்
டாடா மோட்டார்ஸ்
எம் அண்ட் எம்
எடர்னல் லிட்
டெக் மஹிந்திரா
அல்ட்ராடெக் சிமென்ட்ஸ்
ஹெச்சிஎல் டெக்னாலஜிஸ்
பாரதி ஏர்டெல்
சன் பார்மா
எல் அண்ட் டி
ஹெச்டிஎஃப்சி பேங்க்
இண்டஸ்இண்ட் பேங்க்
டாடா ஸ்டீல்
டிசிஎஸ்
ஐசிஐசிஐ பேங்க்
ஏசியன் பெயின்ட்ஸ்
என்டிபிசி
பஜாஜ் ஃபின்சர்வ்
டைடன் கம்பெனி
மாருதி சுசுகி
ஆக்சிஸ் பேங்க்
இன்போசிஸ்
ரூபாய் மதிப்பு
இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.87.37 ஆக இருந்தது.
Edited by Induja Raghunathan
