ஹோம்

Stock News: ஈரானில் ‘அமைதி’ அறிகுறி - இந்திய பங்குச் சந்தையில் மீட்சி!

ஈரானுடனான அமைதிப் பேச்சில் முன்னேற்றம் உள்ளதாக தெரிவித்துள்ள நிலையில், சர்வதேச சந்தைகளில் பாசிட்டிவ் போக்கு நிலவுகிறது. அத்துடன் உள்ளூர் காரணிகளாலும் இந்திய பங்குச் சந்தைகள் மீண்டுள்ளன.

01:21:06 pm - May 06, 2026 | Jai s

ஈரான் - அமெரிக்க பதற்றம் சற்றே தணிந்ததன் தாக்கத்தால் இந்திய பங்குச் சந்தை வர்த்தகம் மீண்டு வருகின்றன.

மும்பை பங்குச் சந்தையில் இன்று (மே 6) காலையில் வர்த்தகம் தொடங்கும்போது சென்செக்ஸ் 657.22 புள்ளிகள் உயர்ந்து 77,675.01 ஆக இருந்தது. அதேவேளையில், தேசிய பங்குச் சந்தையில் நிஃப்டி 218 புள்ளிகள் உயர்ந்து 24,250.85 ஆக இருந்தது.

“ஈரானுடனான அமைதிப் பேச்சில் முன்னேற்றம் உள்ளதாக தெரிவித்துள்ள நிலையில், சர்வதேச சந்தைகளில் பாசிட்டிவ் போக்கு நிலவுகிறது. அத்துடன் உள்ளூர் காரணிகளாலும் இந்திய பங்குச் சந்தைகள் மீண்டுள்ளன,” என்று வர்த்தக நிபுணர்கள் கூறுகின்றனர்.

மும்பை பங்குச் சந்தையின் இன்றைய நண்பகல் வர்த்தகத்தில் பஜாஜ் ஃபைனான்ஸ், டெக் மஹிந்திரா, ஐசிஐசிஐ பேங்க், பஜாஜ் ஃபின்சர்வ், எஸ்பிஐ, ஆக்சிஸ் பேங்க் உள்ளிட்ட நிறுவனப் பங்குகள் ஏற்றம் கண்டிருந்தன. மாருதி சுசுகி, ஹெச்சிஎல் டெக்னாலஜிஸ், இன்போசிஸ், ஐடிசி, என்டிபிசி உள்ளிட்ட நிறுவனப் பங்குகள் சரிவை சந்தித்தன.

இன்று முற்பகல் 11.40 மணியளவில் சென்செக்ஸ் 100.78 புள்ளிகள் உயர்ந்து 77,118.57 ஆகவும், நிஃப்டி 56.05 புள்ளிகள் உயர்ந்து 24,088.85 ஆகவும் இருந்தது.

காரணம் என்ன?

அமெரிக்க பங்குச் சந்தையிலும், ஆசிய பங்குச் சந்தைகளிலும் பாசிட்டிவ் போக்கு நிலவியது. ஈரானுடனான அமைதிப் பேச்சில் முன்னேற்றம் உள்ளதாக தெரிவித்துள்ள நிலையில், சர்வதேச சந்தைகளில் பாசிட்டிவ் போக்கு நிலவுகிறது. அத்துடன் உள்ளூர் காரணிகளாலும் இந்திய பங்குச் சந்தைகள் மீண்டுள்ளன.