ஹோம்

Gold Rate Chennai: தங்கம் விலை மீண்டும் உயர்வு - அமைதி காக்கும் வெள்ளி!

தங்கம் விலை இன்று ரூ.400 உயர்ந்தது. தற்போது சவரன் விலை ரூ.1.18 லட்சத்துக்கு மேலாக உள்ளது. வெள்ளி விலையில் இன்று மாற்றம் ஏதுமில்லை.

10:26:51 am - May 25, 2026 | Jai s

கடந்த வார இறுதியில் குறைந்து வந்த தங்கம் விலை இன்று மீண்டும் அதிகரித்துள்ளது, நகை வாங்க விழைவோருக்கு கலக்கம் தந்துள்ளது.

சென்னையில் சனிக்கிழமை சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.50 குறைந்து ரூ.14,730 ஆகவும், ஒரு சவரன் விலை ரூ.400 குறைந்து ரூ.1,17,840 ஆகவும் இருந்தது. அதேவேளையில், 24 காரட் சுத்தத் தங்கம் 1 கிராம் விலை ரூ.55 குறைந்து ரூ.16,069 ஆகவும், சவரன் விலை ரூ.440 குறைந்து ரூ.1,28,552 ஆகவும் விற்பனை ஆனது.

தங்கம் விலை இன்று ரூ.400 உயர்ந்தது. தற்போது சவரன் விலை ரூ.1.18 லட்சத்துக்கு மேலாக உள்ளது. வெள்ளி விலையில் இன்று மாற்றம் ஏதுமில்லை. தற்போதைய சூழலில், சுப காரியங்களுக்கு தாராளமாக நகை வாங்கலாம். ஆனால், முதலீடு என்று வரும்போது உங்களின் நிதிச் சூழலைப் பொறுத்து, தனிப்பட்ட ஆலோசனை பெறுவது அவசியம் என்கின்றனர் வர்த்தக நிபுணர்கள்.

தங்கம் விலை நிலவரம் - திங்கள்கிழமை (25.5.2026):

சென்னையில் இன்று சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.50 உயர்ந்து ரூ.14,780 ஆகவும், ஒரு சவரன் விலை ரூ.400 உயர்ந்து ரூ.1,18,240 ஆகவும் இருக்கிறது. அதேவேளையில், 24 காரட் சுத்தத் தங்கம் 1 கிராம் விலை ரூ.55 உயர்ந்து ரூ.16,124 ஆகவும், சவரன் விலை ரூ.440 உயர்ந்து ரூ.1,28,992 ஆகவும் விற்பனை ஆகிறது.

வெள்ளி விலை:

சென்னையில் இன்று (25.5.2026) 1 கிராம் வெள்ளி விலை ரூ.295 ஆகவும், ஒரு கிலோ வெள்ளி விலை ரூ.2,95,000 ஆகவும் மாற்றமின்றி விற்பனை ஆகிறது.

தங்கம் விலை உயர்வு ஏன்?

சர்வதேச பொருளாதார சூழல், ரூபாய் - டாலர் மதிப்பு உள்ளிட்ட காரணிகளால் தங்கம் விலையில் மாற்றம் ஏற்படுகிறது. குறிப்பாக, அமெரிக்க டாலருக்கு நிகரான ரூபாய் மதிப்பு வீழ்ச்சி காணும்போதெல்லாம் தங்கம் விலை உயரும். தற்போது, டாலருக்கு நிகரான ரூபாய் மதிப்பு ரூ.95.36 ஆக உள்ளது. ஈரான் - அமெரிக்கா இடையில் அமைதி ஒப்பந்தம் இறுதியாகாத நிலையில், தங்கம் மீதான முதலீடும் ஏற்றமும் இறக்கமுமாக உள்ளது.