டெவலப்பர்களுக்கான விரைவான மற்றும் மலிவு வீடியோ உருவாக்கத்தில் கவனம் திரும்பியுள்ள நிலையில் AI வீடியோ சந்தையில் கூகுள் புதிய திருப்பம் மேற்கொண்டுள்ளது.
AI வீடியோ துறை தற்போது அதிக கவர்ச்சியான மாடல் என்ற போட்டியிலிருந்து “மலிவு, வேகம், பயன்பாட்டிற்கு ஏற்ற மாடல்” என்ற திசைக்கு மாறி வருகிறது. இந்த மாற்றத்தில் கூகுளின் Veo 3.1 Lite முக்கிய பங்கு வகிக்கும், என எதிர்பார்க்கப்படுகிறது.
காலத்துக்கு ஏற்ற AI போட்டியில், கூகுள் தனது புதிய, குறைந்த செலவிலான வீடியோ உருவாக்க மாடல் Veo 3.1 Lite ஐ அறிமுகப்படுத்தியுள்ளது. இது Gemini API மற்றும் Google AI Studio வழியாக கட்டண முன்னோட்டமாக (paid preview) வழங்கப்படுகிறது.
இந்த மாடல், மிக உயர்தர சினிமாட்டிக் வெளியீட்டைக் குறிக்கோளாகக் கொள்ளாமல், வேகமாகவும் மலிவாகவும் வீடியோக்களை உருவாக்க வேண்டிய டெவலப்பர்களை குறிவைக்கிறது. பிரதியிலிருந்து ஒளிஅலைக்கும் அதாவது, text-to-video மற்றும் படத்திலிருந்து வீடியோவுக்கு அதாவது, image-to-video வசதிகளுடன், landscape மற்றும் portrait வடிவங்களில் 720p மற்றும் 1080p தரத்தில் 4, 6 அல்லது 8 விநாடி கிளிப்புகளை உருவாக்க முடியும். மேலும், இது Veo 3.1 Fast மாடலின் வேகத்தையே வைத்துக்கொண்டு, அதன் செலவின் பாதிக்கு குறைவாக இருக்கும், என கூகுள் தெரிவித்துள்ளது.
இதே சமயம், OpenAI தனது வீடியோ உருவாக்க கருவியான Sora-வை நிறுத்துவதாக அறிவித்துள்ளது. மார்ச் 25 அன்று வெளியிடப்பட்ட X பதிவில் “We’re saying goodbye to Sora” என சோரா குழு தெரிவித்தது.
வேகமான வளர்ச்சியில் கூகுளின் Veo
கூகுள் தனது Veo வீடியோ மாடலை 2024 மே மாதத்தில் அறிமுகப்படுத்தியது. அதன்பின், டிசம்பர் 2024-ல் Veo 2, மே 2025-ல் Veo 3 (native audio மற்றும் creative controls உடன்), அக்டோபர் 2025-ல் Veo 3.1 மற்றும் Veo 3.1 Fast ஆகியவை வந்தன. இப்போது Veo 3.1 Lite அதன் சமீபத்திய சேர்க்கையாக உள்ளது.
இரண்டு ஆண்டுகளுக்குள், கூகுள் ஒரு முதன்மை வீடியோ மாடலிலிருந்து பல்வேறு விலை மற்றும் வேகத் தரங்களைக் கொண்ட குடும்பமாக வளர்ந்துள்ளது.
நடைமுறை பயன்பாட்டுக்கான Lite
Veo 3.1 Lite, தினசரி பயன்பாட்டுக்கான AI வீடியோ உருவாக்கத்தில் கவனம் செலுத்துகிறது. இது text-to-video மற்றும் image-to-video போன்ற முக்கிய அம்சங்களை வைத்திருப்பதுடன், native audio ஆதரவு கொண்டது. இதனால் வீடியோவுடன் ஒலி நேரடியாக உருவாகிறது.
மேலும், இந்த மாடல் Gemini app, YouTube Shorts, Vertex AI, Google Vids போன்ற பல கூகுள் சேவைகளுடன் ஒருங்கிணைக்கப்படுவதன் மூலம், டெவலப்பர்கள் மற்றும் கிரியேட்டர்கள் இருவரையும் அடையும் முயற்சியில் உள்ளது.
AI வீடியோ போட்டி மேலும் தீவிரம்
AI வீடியோ துறையில் போட்டி இன்னும் பலமாகவே உள்ளது. Runway-ன் Gen-4.5, Kling, Pika, Luma AI போன்றவை வெவ்வேறு பலங்களில் முன்னிலை வகிக்கின்றன. சில மாடல்கள் realism-ஐ, சில speed-ஐ, மற்றவை creative control-ஐ முக்கியமாகக் கொண்டுள்ளன.
OpenAI-யின் சோரா முடிவு, வீடியோ AI மாடல்களை இயக்குவது அதிக கணினி வளங்களையும் செலவையும் தேவைப்படுத்துகிறது என்பதைக் காட்டுகிறது. இதனால், நிறுவனங்கள் தற்போது coding tools, enterprise solutions மற்றும் AGI போன்ற துறைகளில் கவனம் செலுத்தத் தொடங்கியுள்ளன.
இதற்கிடையில், Microsoft கடந்த மாதம் தனது புதிய text-to-image மாடலான MAI-Image-2 ஐ அறிமுகப்படுத்தியது.
