OpenAI நிறுவனத்தின் தலைமை செயல் அதிகாரி சாம் ஆல்ட்மேன், ChatGPT Images 2.0 தளம் இந்தியாவில் மிக வேகமாக வளர்ச்சி பெற்று வருவதாக தெரிவித்தார்.
“ChatGPT Images 2.0 பயன்படுத்தி, இந்தியாவில் ஏர்கனவே 1 பில்லியன் இமேஜ்கள் உருவாக்கப்பட்டுள்ளதை பார்க்கையில், அற்புதமாக இருக்கிறது,” என்று அவர் சமூக வலைதளமான X-ல் பதிவிட்டுள்ளார்.
இந்த ஆண்டு ஏப்ரலில் உலகளவில் அறிமுகமான ChatGPT Images 2.0, செயற்கை நுண்ணறிவு அடிப்படையிலான பட உருவாக்க தொழில்நுட்பத்தில் புதிய மாற்றத்தை ஏற்படுத்தியுள்ளது. தனித்துவமான இமேஜ் ஜெனரேட்டராக இல்லாமல், நேரடியாக ChatGPT உரையாடல் அமைப்புக்குள் படங்களை உருவாக்க, திருத்த மற்றும் தொடர்ந்து மேம்படுத்தும் வசதியுடன் இது வடிவமைக்கப்பட்டுள்ளது.
இந்த புதிய தொழில்நுட்பம், உரை புரிதல், காட்சி பகுப்பாய்வு, தர்க்கமாக்கம் மற்றும் பட உருவாக்கம் ஆகிய அனைத்தையும் ஒரே GPT multimodal அமைப்பில் இணைக்கிறது. இதன் மூலம் பயனர்கள் சாதாரண உரையாடல் போலவே AI படங்களை உருவாக்க முடிகிறது.
இந்த வளர்ச்சியில் இந்தியாவின் பங்கு குறிப்பிடத்தக்கதாக பார்க்கப்படுகிறது. குறைந்த விலை இணைய வசதி, மொபைல் மையப்படுத்தப்பட்ட இணைய பயன்பாடு மற்றும் மிகப்பெரிய படைப்புச் சிக்கனம் ஆகியவை generative AI பயன்பாட்டை இந்தியாவில் வேகமாக உயர்த்தியுள்ளன.
மேலும், Instagram, LinkedIn போன்ற சமூக வலைதளங்களில் AI மூலம் உருவாக்கப்பட்ட portrait-கள், anime பாணி படங்கள் மற்றும் cinematic profile photo-கள் வைரலாக பரவியதால் ChatGPT Images 2.0 பயன்பாடு அதிகரித்துள்ளது.
ஆனால், AI இமேஜ் உருவாக்க தொழில்நுட்பத்தின் வேகமான வளர்ச்சி, காப்புரிமை உரிமைகள், தவறான தகவல்கள், செயற்கை ஊடக வெளிப்படைத்தன்மை மற்றும் படைப்பாக்கத் தொழிலில்ன் எதிர்காலம் குறித்து புதிய கேள்விகளையும் எழுப்பி வருகிறது. இதனால் புத்தாக்கம் மற்றும் பாதுகாப்பு நடைமுறைகள் ஆகியவற்றுக்கு இடையில் சமநிலையை பேண வேண்டும் என்ற அழுத்தம் OpenAI உள்ளிட்ட AI நிறுவனங்களுக்கு அதிகரித்து வருகிறது.
