ஹோம்

Stock News: கச்சா எண்ணெய் தாக்கம் - சென்செக்ஸ் 900+ புள்ளிகள் சரிவு!

மேற்கு ஆசிய போர் பதற்றம், கச்சா எண்ணெய் விலை உயர்வு, வெளிநாட்டு முதலீடு வரத்து சரிவு உள்ளிட்ட காரணங்களால் இந்திய பங்குச் சந்தையில் கடும் வீழ்ச்சி நிலவுகிறது.

12:32:14 pm - Jun 03, 2026 | Jai s

கச்சா எண்ணெய் விலை மீண்டும் அதிகரிப்பு உள்ளிட்ட காரணங்களால், இந்திய பங்குச் சந்தையிலும் கடும் வீழ்ச்சி நிலவுகிறது.

மும்பை பங்குச் சந்தையில் இன்று காலையில் வர்த்தகம் தொடங்கும்போது சென்செக்ஸ் 699.74 புள்ளிகள் சரிந்து 73,959.48 ஆக இருந்தது. அதேவேளையில், தேசிய பங்குச் சந்தையில் நிஃப்டி 177.40 புள்ளிகள் சரிந்து 23,302.50 ஆக இருந்தது.

“மேற்கு ஆசிய போர் பதற்றம், கச்சா எண்ணெய் விலை உயர்வு, வெளிநாட்டு முதலீடு வரத்து சரிவு உள்ளிட்ட காரணங்களால் இந்திய பங்குச் சந்தையில் கடும் வீழ்ச்சி நிலவுகிறது,” என்று நிபுணர்கள் கூறுகின்றனர்.

மும்பை பங்குச் சந்தையின் இன்றைய நண்பகல் வர்த்தகத்தில் மாருதி சுசுகி, பாரதி ஏர்டெல் ஆகிய நிறுவனப் பங்குகள் மட்டுமே ஏற்றம் கண்டிருந்தன. ஏனைய நிறுவனப் பங்குகள் அனைத்தும் சரிவை சந்தித்தன.

இன்று நண்பகல் 12 மணியளவில் சென்செக்ஸ் 926.23 புள்ளிகள் சரிந்து 73,723.62 ஆகவும், நிஃப்டி 265.15 புள்ளிகள் சரிந்து 23,218.40 ஆகவும் இருந்தது.

காரணம் என்ன?

அமெரிக்க பங்குச் சந்தை சரிவுடன் நிறைவுற்றது. ஆசிய பங்குச் சந்தைகளிலும் பாதகப் போக்கு நிலவுகிறது. மேற்கு ஆசிய போர் பதற்றம், கச்சா எண்ணெய் விலை உயர்வு, வெளிநாட்டு முதலீடு வரத்து சரிவு உள்ளிட்ட காரணங்களால் இந்திய பங்குச் சந்தையில் கடும் வீழ்ச்சி நிலவுகிறது.