உள்ளூர் முதலீட்டாளர்கள் நிதானம் காட்டி வருவதால், மும்பை பங்குச் சந்தை மற்றும் தேசிய பங்குச் சந்தையில் தடுமாற்றம் நிலவுகிறது.
மும்பை பங்குச் சந்தையில் இன்று (ஜன.29) காலை வர்த்தகம் தொடங்கும்போது சென்செக்ஸ் 343.67 புள்ளிகள் சரிந்து 82,001.01 ஆக இருந்தது. அதேவேளையில், தேசிய பங்குச் சந்தையில் நிஃப்டி 94.2 புள்ளிகள் சரிந்து 25,248.55 ஆக இருந்தது.
“மத்திய பட்ஜெட் வரும் ஞாயிற்றுக்கிழமை தாக்கல் செய்யப்படும் நிலையில், முன்னெச்சரிக்கை நடவடிக்கையாக முதலீட்டாளர்கள் நிதானம் காட்டி வருவதால் மும்பை மற்றும் தேசிய பங்குச் சந்தையில் தடுமாற்றம் நிலவுகிறது,” என வர்த்தக நிபுணர்கள் கூறுகின்றனர்.
மும்பை பங்குச் சந்தையின் இன்றைய வர்த்தகத்தில் எல் அண்ட் டி, என்டிபிசி, டாடா ஸ்டீல், ஆக்சிஸ் பேங்க், டாடா மோட்டார்ஸ், எஸ்பிஐ உள்ளிட்ட நிறுவனப் பங்குகள் ஏற்றம் கண்டிருந்தன. டெக் மஹிந்திரா, பஜாஜ் ஃபைனான்ஸ், இன்போசிஸ், ஐடிசி, சன் பார்மா, டிசிஎஸ், நெஸ்லே இந்தியா உள்ளிட்ட நிறுவனப் பங்குகள் சரிவை சந்தித்தன.
இன்று பிற்பகல் 1.15 மணியளவில் சென்செக்ஸ் 61.98 புள்ளிகள் உயர்ந்து 82,406.66 ஆகவும், நிஃப்டி 1.85 புள்ளிகள் உயர்ந்து 25,344.60 ஆகவும் இருந்தது.
காரணம் என்ன?
அமெரிக்க பங்குச் சந்தை ஏற்ற இறக்கமின்றி நிறைவுற்றது. ஆசிய பங்குச் சந்தைகளைப் பொறுத்தவரையில் தென் கொரியா மற்றும் ஹாங்காங்கில் ஏற்றமும், ஜப்பான் மற்றும் ஷாங்காயில் சரிவும் நிலவியது. வரும் ஞாயிற்றுக்கிழமை மத்திய பட்ஜெட் தாக்கல் செய்யப்படும் நிலையில், முன்னெச்சரிக்கை நடவடிக்கையாக முதலீட்டாளர்கள் நிதானம் காட்டி வருவதால் மும்பை மற்றும் தேசிய பங்குச் சந்தையில் தடுமாற்றம் நிலவுகிறது.
ஏற்றம் காணும் பங்குகள்:
எல் அண்ட் டி
என்டிபிசி
டாடா ஸ்டீல்
ஆக்சிஸ் பேங்க்
எடர்னல்
டாடா மோட்டார்ஸ்
எஸ்பிஐ
பாரதி ஏர்டெல்
அதானி போர்ட்ஸ்
ஹெச்டிஎஃப்சி பேங்க்
ஐசிஐசிஐ பேங்க்
பஜாஜ் ஃபின்சர்வ்
பவர் கிரிட் கார்ப்பரேஷன்
இறங்கு முகம் காணும் பங்குகள்:
ரிலையன்ஸ் இண்டஸ்ட்ரீஸ்
இண்டஸ்இண்ட் பேங்க்
டெக் மஹிந்திரா
பஜாஜ் ஃபைனான்ஸ்
இன்போசிஸ்
ஐடிசி
ஹெச்சிஎல் டெக்னாலஜிஸ்
அல்ட்ராடெக் சிமென்ட்ஸ்
சன் பார்மா
டிசிஎஸ்
டைடன் கம்பெனி
நெஸ்லே இந்தியா
இந்துஸ்தான் யூனிலீவர்
மாருதி சுசுகி
எம் அண்ட் எம்
ஏசியன் பெயின்ட்ஸ்
ரூபாய் மதிப்பு
இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.91.97 ஆக இருந்தது.
Edited by Induja Raghunathan