ஹோம்

Stock News: மீளும் பங்குச் சந்தை - சென்செக்ஸ், நிஃப்டி புள்ளிகள் ஏற்றம்!

மேற்கு ஆசிய நாடுகளில் பதற்றம், கச்சா எண்ணெய் விலை உயர்வு நீடித்தாலும், இந்தியாவில் எரிபொருள் விலை உயர்வு உள்ளிட்ட நடவடிக்கை மேற்கொள்ளப்பட்டு வருகிறது. இத்துடன், உள்ளூர் காரணிகளாலும் பங்குச் சந்தை மீண்டு வருகிறது.

12:52:36 pm - May 19, 2026 | Jai s

உள்ளூர் காரணிகளால் இந்திய பங்குச் சந்தையில் மீட்சிப் போக்கு நிலவுகிறது. சென்செக்ஸ், நிஃப்டி புள்ளிகள் ஏற்றம் கண்டுள்ளன.

மும்பை பங்குச் சந்தையில் இன்று (மே 19) காலையில் வர்த்தகம் தொடங்கும்போது சென்செக்ஸ் 322.81 புள்ளிகள் உயர்ந்து 75,637.85 ஆக இருந்தது. அதேவேளையில், தேசிய பங்குச் சந்தையில் நிஃப்டி 75.25 புள்ளிகள் உயர்ந்து 23,725.20 ஆக இருந்தது.

“மேற்கு ஆசிய நாடுகளில் பதற்றம், கச்சா எண்ணெய் விலை உயர்வு நீடித்தாலும், இந்தியாவில் எரிபொருள் விலை உயர்வு உள்ளிட்ட நடவடிக்கை மேற்கொள்ளப்பட்டு வருகிறது. இத்துடன், உள்ளூர் காரணிகளாலும் பங்குச் சந்தை மீண்டு வருகிறது,” என்று நிபுணர்கள் கூறுகின்றனர்.

மும்பை பங்குச் சந்தையின் இன்றைய முற்பகல் வர்த்தகத்தில் அதானி போர்ட்ஸ், ஐடிசி, ஹெச்டிஎஃப்சி பேங்க், ஐசிஐசிஐ பேங்க், டாடா ஸ்டீல் உள்ளிட்ட பல நிறுவனப் பங்குகள் ஏற்றம் கண்டிருந்தன. பாரதி ஏர்டெல், பஜாஜ் ஃபின்சர்வ், கோடக் மஹிந்திரா பேங்க், அல்ட்ராடெக் சிமென்ட்ஸ், எடர்னல் உள்ளிட்ட சில நிறுவனப் பங்குகள் சரிவை சந்தித்தன.

இன்று முற்பகல் 10.10 மணியளவில் சென்செக்ஸ் 240.65 புள்ளிகள் உயர்ந்து 75,555.69 ஆகவும், நிஃப்டி 75.75 புள்ளிகள் உயர்ந்து 23,725.70 ஆகவும் இருந்தது.

காரணம் என்ன?

அமெரிக்க பங்குச் சந்தையிலும், ஆசிய பங்குச் சந்தைகளிலும் கலவையான போக்கு நிலவுகிறது. மேற்கு ஆசிய நாடுகளில் பதற்றம், கச்சா எண்ணெய் விலை உயர்வு நீடித்தாலும், இந்தியாவில் எரிபொருள் விலை உயர்வு உள்ளிட்ட நடவடிக்கை மேற்கொள்ளப்பட்டு வருகிறது. இத்துடன், உள்ளூர் காரணிகளாலும் பங்குச் சந்தை மீண்டு வருகிறது.