ஹோம்

Stock News: சென்செக்ஸ் 540+ புள்ளிகள் சரிவு - இறக்கத்தில் கோடக் மஹிந்திரா!

கோடக் மஹிந்திரா பேங்க் நிறுவனப் பங்குகள் 7 சதவீத அளவில் சரிவு கண்டது, இன்றைய இந்திய பங்குச் சந்தை வர்த்தகத்தில் பெரும் தாக்கத்தை ஏற்படுத்தியது.

01:51:16 pm - Jul 28, 2025 | Jai s

இந்திய - அமெரிக்க வர்த்தக ஒப்பந்த இழுபறி உள்ளிட்ட காரணங்களால் இந்திய பங்குச் சந்தையில் வீழ்ச்சி நிலவுகிறது. சென்செக்ஸ் 540+ புள்ளிகள் சரிந்தன.

மும்பை பங்குச் சந்தையில் இன்று (ஜூலை 28) காலை வர்த்தகம் தொடங்கும்போது சென்செக்ஸ் 369.58 புள்ளிகள் சரிந்து 81,093.51 ஆக இருந்தது. அதேவேளையில், தேசிய பங்குச் சந்தையில் நிஃப்டி 104.3 புள்ளிகள் சரிந்து 24,732.70 ஆக இருந்தது.

கோடக் மஹிந்திரா பேங்க் நிறுவனப் பங்குகள் 7 சதவீத அளவில் சரிவு கண்டது, இன்றைய இந்திய பங்குச் சந்தை வர்த்தகத்தில் பெரும் தாக்கத்தை ஏற்படுத்தியது. அதேவேளையில், ஐசிஐசிஐ பேங்க், ஏசியன் பெயின்ட்ஸ், ஹெச்டிஎஃப்சி பேங்க், என்டிபிசி, ரிலையன்ஸ் இண்டஸ்ட்ரீஸ், பஜாஜ் ஃபின்சர்வ், சன் பார்மா உள்ளிட்ட நிறுவனப் பங்குகள் ஏற்றம் கண்டன.

இன்று பிற்பகல் 1.30 மணியளவில் சென்செக்ஸ் 542.95 புள்ளிகள் சரிந்து 80,920.14 ஆகவும், நிஃப்டி 147.90 புள்ளிகள் சரிந்து 24,689.10 ஆகவும் இருந்தது.

காரணம் என்ன?

அமெரிக்க பங்குச் சந்தை வர்த்தகம் உயர்வுடன் நிறைவு பெற்றது. ஆசிய பங்குச் சந்தைகளைப் பொறுத்தவரையில் ஹாங்காங்கில் மட்டும் ஏற்றம் நிலவுகிறது. டோக்கியோ, சியோல் மற்றும் ஷாங்காங் என அனைத்திலும் சரிவுப் போக்கு நிலவியது. இந்தியா - அமெரிக்கா இடையிலான வர்த்தக ஒப்பந்தம் இறுதி ஆவதில் இழுபறி நீடிக்கிறது.

ஆசிய பங்குச் சந்தைகளின் சரிவுப் போக்கின் எதிரொலியுடன், கோடக் மஹிந்திரா பேங்க் நிறுவனத்தின் காலாண்டு நிதி நிலவர முடிவுகளின் தாக்கத்தால், அந்த நிறுவனப் பங்குகள் அதிகம் விற்கப்படுவது உள்ளிட்ட காரணங்களால் சென்செக்ஸ், நிஃப்டி புள்ளிகள் வெகுவாக வீழ்ச்சி கண்டுள்ளன.