ஹோம்

Stock News: பங்குச் சந்தையில் எதிரொலிக்கும் யுஎஸ் - இந்தியா வர்த்தக ஒப்பந்த இழுபறி!

இந்திய - அமெரிக்க வர்த்தக ஒப்பந்தம் நிறைவேறுவது தொடர்ந்து இழுபறியாக உள்ளது, இன்றைய இந்திய பங்குச் சந்தை வர்த்தகத்த்ல் எதிரொலிக்கிறது. டிசிஎஸ் ஆட்குறைப்பு நடவடிக்கையால், அந்த நிறுவனப் பங்குகள் சரிந்துள்ளன.

11:52:40 am - Jul 29, 2025 | Jai s

சர்வதேச போக்குகளின் தாக்கம் உள்ளிட்ட காரணங்களால் இந்திய பங்குச் சந்தைகளில் சரிவு ஏற்பட்டு, பின்னர் சற்றே மீளும் போக்கு நிலவுகிறது.

மும்பை பங்குச் சந்தையில் இன்று (ஜூலை 29) காலை வர்த்தகம் தொடங்கும்போது சென்செக்ஸ் 270.77 புள்ளிகள் சரிந்து 80,620.25 ஆக இருந்தது. அதேவேளையில், தேசிய பங்குச் சந்தையில் நிஃப்டி 71.25 புள்ளிகள் சரிந்து 24,609.65 ஆக இருந்தது.

சன் ஃபார்மா, டாடா மோட்டார்ஸ், எல் அண்ட் டி, ரிலையன்ஸ் இண்டஸ்ட்ரீஸ், ஹெச்டிஎஃப்சி பேங்க், டாடா ஸ்டீல், அதானி போர்ட்ஸ் உள்ளிட்ட நிறுவனப் பங்குகள் ஏற்றம் கண்டுள்ளன.

இன்று முற்பகல் 11.40 மணியளவில் சென்செக்ஸ் 21.81 புள்ளிகள் சரிந்து 80,869.21 ஆகவும், நிஃப்டி 2.40 புள்ளிகள் சரிந்து 24,678.50 ஆகவும் இருந்தது.

காரணம் என்ன?

அமெரிக்க பங்குச் சந்தை வர்த்தகம் கலவையான போக்குடன் நிறைவு பெற்றது. ஆசிய பங்குச் சந்தைகளைப் பொறுத்தவரையில் சியோலில் மட்டும் ஏற்றம் நிலவுகிறது. டோக்கியோ, ஹாங்காங் மற்றும் ஷாங்காங் என அனைத்திலும் சரிவுப் போக்கு நிலவியது. இதுவும் இந்திய பங்குச் சந்தைகளில் எதிரொலிக்கிறது.

இந்தியா - அமெரிக்கா இடையிலான வர்த்தக ஒப்பந்தம் இறுதி ஆவதில் தொடர்ந்து இழுபறி நிலவுகிறது. இதன் காரணமாக, முதலீட்டாளர்கள் தயக்கம் காட்டுவதால் சென்செக்ஸ், நிஃப்டி புள்ளிகள் சரிந்து வருகின்றன.