ஹோம்

Gold Rate Chennai: 4 நாட்களுக்கு பின் சற்றே குறைந்த தங்கம் விலை - இன்று சவரன் எவ்வளவு?

கடந்த 4 தினங்களுக்குப் பிறகு ஆபரணத் தங்கம் விலை சற்றே குறைந்துள்ளது. எனினும், சவரன் விலை ரூ.75,500-க்கு மேலாகவே விற்பனையாகிறது.

12:03:41 pm - Aug 09, 2025 | Jai s

வரலாறு காணாத உச்சம் தொட்டு வந்த ஆபரணத் தங்கத்தின் விலை, வாரத்தின் கடைசி நாளான இன்று சற்றே குறைந்தது, நகை வாங்க விழைவோருக்கு நிம்மதி தந்துள்ளது.

சென்னையில் வெள்ளிக்கிழமை சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.70 உயர்ந்து ரூ.9,470 ஆகவும், ஒரு சவரன் விலை ரூ.560 உயர்ந்து ரூ.75,760 ஆகவும் இருந்தது. அதேபோல், 24 காரட் சுத்தத் தங்கம் 1 கிராம் விலை ரூ.76 உயர்ந்து ரூ.10,331 ஆகவும், சவரன் விலை ரூ.608 உயர்ந்து ரூ.82,648 ஆகவும் இருந்தது.

கடந்த 4 தினங்களுக்குப் பிறகு ஆபரணத் தங்கம் விலை சற்றே குறைந்துள்ளது. எனினும், சவரன் விலை ரூ.75,500-க்கு மேலாகவே விற்பனையாகிறது. எனவே, சுப காரியங்களுக்கு அவசியம் எனில் மட்டுமே நகை வாங்கலாம். முதலீடு என்று வரும்போது தனிப்பட்ட ஆலோசனை அவசியம் என்கின்றனர் வர்த்தக நிபுணர்கள். வெள்ளி விலை இன்றும் மாற்றமின்றி விற்பனை ஆகிறது.

தங்கம் விலை நிலவரம் - சனிக்கிழமை (9.8.2025):

சென்னையில் இன்று சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.25 குறைந்து ரூ.9,445 ஆகவும், ஒரு சவரன் விலை ரூ.200 குறைந்து ரூ.75,560 ஆகவும் இருக்கிறது. அதேபோல், 24 காரட் சுத்தத் தங்கம் 1 கிராம் விலை ரூ.27 குறைந்து ரூ.10,304 ஆகவும், சவரன் விலை ரூ.216 குறைந்து ரூ.82,423 ஆகவும் இருக்கிறது.

வெள்ளி விலை:

சென்னையில் இன்று (9.8.2025) 1 கிராம் வெள்ளி விலை ரூ.127 ஆகவும், ஒரு கிலோ வெள்ளி விலை ரூ.1,27,000 ஆகவும் மாற்றமின்றி விற்பனை ஆகிறது.

தங்கம் விலை குறைவு ஏன்?

சர்வதேச பொருளாதார சூழல், ரூபாய் - டாலர் மதிப்பு உள்ளிட்ட காரணிகளால் தங்கம் விலையில் மாற்றம் ஏற்படுகிறது. இந்தியா மீதான அமெரிக்காவின் 50% வரி விதிப்பால் டாலருக்கு நிகரான ரூபாய் மதிப்பு தொடர்ந்து குறைந்து வருகிறது. இது பெரும் தாக்கத்தை ஏற்படுத்தி வருகிறது. எனினும், பல்வேறு காரணங்களால் சர்வதேச சந்தையில் தங்கத்தின் தேவை சற்றே குறைந்துள்ளதால், தற்போது ஆபரணத் தங்கத்தின் விலையும் கொஞ்சம் சரிந்துள்ளது.