ஹோம்

Stock News: தொடரும் ஈரான் பதற்றம் - சென்செக்ஸ் 900+ புள்ளிகள் வீழ்ச்சி!

ஈரான் - அமெரிக்க பேச்சுவார்த்தையில் பெரும் பின்னடைவு ஏற்பட்டுள்ளது. ஹார்முஸ் நீரிணை பதற்றம் காரணமாக கச்சா எண்ணெய் விநியோகம் பாதிக்கும் அபாயம் அதிகரித்துள்ளது. இதன் தாக்கத்தால் இந்திய பங்குச் சந்தை வர்த்தகத்திலும் பெரும் தடுமாற்றம் நீடிக்கிறது.

01:54:21 pm - May 11, 2026 | Jai s

தொடரும் ஈரான் போர் பதற்றம் காரணமாக, இந்திய பங்குச் சந்தை வர்த்தகத்திலும் சரிவுப் போக்கு தொடர்ந்து வலுத்துள்ளது.

மும்பை பங்குச் சந்தையில் இன்று (மே 11) காலையில் வர்த்தகம் தொடங்கும்போது சென்செக்ஸ் 845.68 புள்ளிகள் சரிந்து 76,482.51 ஆக இருந்தது. அதேவேளையில், தேசிய பங்குச் சந்தையில் நிஃப்டி 237.90 புள்ளிகள் சரிந்து 23,936.85 ஆக இருந்தது.

“ஈரான் - அமெரிக்க பேச்சுவார்த்தையில் பெரும் பின்னடைவு ஏற்பட்டுள்ளது. ஹார்முஸ் நீரிணை பதற்றம் காரணமாக கச்சா எண்ணெய் விநியோகம் பாதிக்கும் அபாயம் அதிகரித்துள்ளது. இதன் தாக்கத்தால் இந்திய பங்குச் சந்தை வர்த்தகத்திலும் பெரும் தடுமாற்றம் நீடிக்கிறது,” என்று வர்த்தக நிபுணர்கள் கூறுகின்றனர்.

மும்பை பங்குச் சந்தையின் இன்றைய நண்பகல் வர்த்தகத்தில் சன் பார்மா, நெஸ்லே இந்தியா, டிசிஎஸ், ஐசிஐசிஐ பேங்க், இன்போசிஸ், கோடக் மஹிந்திரா பேங்க், ஆக்சிஸ் பேங்க் ஆகிய நிறுவனப் பங்குகள் மட்டுமே ஏற்றம் கண்டுள்ளன. ஏனைய பல நிறுவனப் பங்குகள் சரிந்துள்ளன.

இன்று நண்பகல் 12 மணியளவில் சென்செக்ஸ் 910.93 புள்ளிகள் சரிந்து 76,417.26 ஆகவும், நிஃப்டி 255.20 புள்ளிகள் சரிந்து 23,920.95 ஆகவும் இருந்தது.

காரணம் என்ன?

அமெரிக்க பங்குச் சந்தையிலும், ஆசிய பங்குச் சந்தைகளிலும் தடுமாற்றச் சூழலே நீடிக்கிறது. ஈரான் - அமெரிக்க பேச்சுவார்த்தையில் பெரும் பின்னடைவு ஏற்பட்டுள்ளது. ஹார்முஸ் நீரிணை பதற்றம் காரணமாக கச்சா எண்ணெய் விநியோகம் பாதிக்கும் அபாயம் அதிகரித்துள்ளது. இதன் தாக்கத்தால் இந்திய பங்குச் சந்தை வர்த்தகத்திலும் பெரும் தடுமாற்றம் நீடிக்கிறது.