ஹோம்

Stock News: இந்திய பங்குச் சந்தையில் ஏற்றத்துக்குப் பின் ரெட் அலர்ட்!

மேற்கு ஆசியாவில் தொடரும் போர்ப் பதற்றம் உள்ளிட்ட காரணங்களால் இந்திய பங்குச் சந்தையில் ஏற்றமும் இறக்கமுமாக தடுமாற்றம் நிலவுகிறது.

12:43:07 pm - Jun 01, 2026 | Jai s

இந்திய பங்குச் சந்தையில் ஏற்றமும் இறக்கமுமாக தடுமாற்றம் நீடிக்கிறது. இன்று காலை ஏற்றத்துக்குப் பின் சரிவுப் போக்கு தொடர்ந்தது.

மும்பை பங்குச் சந்தையில் இன்று காலையில் வர்த்தகம் தொடங்கும்போது சென்செக்ஸ் 206.16 புள்ளிகள் உயர்ந்து 74,981.90 ஆக இருந்தது. அதேவேளையில், தேசிய பங்குச் சந்தையில் நிஃப்டி 42.65 புள்ளிகள் உயர்ந்து 23,604.80 ஆக இருந்தது. பின்னர், மீண்டும் சரிவுப் போக்கு தொற்றியது.

“மேற்கு ஆசியாவில் தொடரும் போர்ப் பதற்றம் உள்ளிட்ட காரணங்களால் இந்திய பங்குச் சந்தையில் ஏற்றமும் இறக்கமுமாக தடுமாற்றம் நிலவுகிறது,” என்று நிபுணர்கள் கூறுகின்றனர்.

மும்பை பங்குச் சந்தையின் இன்றைய நண்பகல் வர்த்தகத்தில் டெக் மஹிந்திரா, இன்போசிஸ், டிசிஎஸ், ஹெச்சிஎல் டெக்னாலஜிஸ், ஏசியன் பெயின்ட்ஸ் உள்ளிட்ட நிறுவனப் பங்குகள் ஏற்றம் கண்டிருந்தன. அதானி போர்ட்ஸ், நெஸ்லே இந்தியா, எல் அண்ட் டி, எஸ்பிஐ

என்டிபிசி உள்ளிட்ட பல நிறுவனப் பங்குகள் சரிவை சந்தித்தன.

இன்று பிற்பகல் 12.30 மணியளவில் சென்செக்ஸ் 70.34 புள்ளிகள் சரிந்து 74,705.40 ஆகவும், நிஃப்டி 31.00 புள்ளிகள் சரிந்து 23,516.75 ஆகவும் இருந்தது.

காரணம் என்ன?

அமெரிக்க பங்குச் சந்தையில் வர்த்தகம் ஏற்றத்துடன் நிறைவுற்றது. ஆசிய பங்குச் சந்தைகளில் கலவையான போக்கு நிலவுகிறது. மேற்கு ஆசியாவில் தொடரும் போர்ப் பதற்றம் உள்ளிட்ட காரணங்களால் இந்திய பங்குச் சந்தையில் ஏற்றமும் இறக்கமுமாக தடுமாற்றம் நிலவுகிறது.