உயர் அழுத்த தொழில்கள் பெரும்பாலும் அவற்றின் பரபரப்பான வேலை, நீண்ட பணி நேரம் மற்றும் இடைவிடாத வெற்றிக்கான முயற்சி ஆகியவற்றால் கொண்டாடப்படுகின்றன. இருப்பினும், சாதனைக்கு உந்துசக்தியாக இருக்கும் பண்புகளே சோர்வு மற்றும் மன அழுத்தத்திற்கும் காரணமாக அமையலாம்.

காலக்கெடுவை பூர்த்தி செய்ய, ஒப்பந்தங்களை முடிக்க அல்லது புதிய யோசனைகளைத் தொடங்குவதற்கான போட்டியில், பல தொழில் வல்லுநர்கள் ஓர் எளிய உண்மையை மறந்து விடுகிறார்கள். அது:

செயல்பட்டால் மட்டுமே உங்கள் தொழில், உங்கள் வேலை மற்றும் உங்கள் இலக்குகள் செழிக்கும்.

வேலைப் பளுவை உற்பத்தித் திறனுடன் ஒப்பிடும் பொறியில் சிக்குவது எளிது. சூரிய உதயத்திற்கு முன் எழுதல், மதிய உணவை முடிக்காமல் வேலை செய்தல், இடைவேளைகளைத் தவிர்ப்பது மற்றும் இரவில் தாமதமாக வேலை செய்வது ஆகியவை முன்னேற்றத்திற்கான ஒரே பாதையாக உணரலாம். ஆனால் உண்மையில், இந்த தொடர்ச்சியான செயல்பாடு பெரும்பாலும் சோர்வு, மோசமான முடிவெடுப்பது மற்றும் ஆக்கப்பூர்வமான சிந்தனையின் பற்றாக்குறைக்கு வழிவகுக்கிறது.

மன அழுத்தம் மற்றும் எதிர்வினையாற்றலை விட அமைதியாகவும், உற்சாகமாகவும் உங்கள் நாளைத் தொடங்குவதை கற்பனை செய்து பாருங்கள். அழுத்தத்திற்கு ஆளாகாமல் தெளிவுடன் முடிவுகளை எடுப்பதையும், விரக்திக்கு பதிலாக படைப்பாற்றலுடன் சவால்களை அணுகுவதையும் கற்பனை செய்து பாருங்கள். இந்த விளைவுகள் சாத்தியமே, ஆனால், அவை உங்கள் சொந்த வாழ்வில் கவனம் செலுத்த வேண்டும். பல தொழில்முனைவோர் மற்றும் நிபுணர்கள் கவனிக்காத ஒரு விஷயம் இது.

தூக்கத்திற்கு முன்னுரிமை

தூக்கம் என்பது ஓய்வு நேரமல்ல; அது உங்கள் உடலையும் மனதையும் மீட்டெடுக்க மிகவும் சக்திவாய்ந்த கருவியாகும். தொழில்முனைவோர் மற்றும் நிபுணர்கள் பெரும்பாலும் காலக்கெடுவை சந்திக்க தூக்கத்தை தியாகம் செய்கிறார்கள் அல்லது கூடுதல் வேலைகளைச் செய்கிறார்கள், ஆனால், இதற்கு ஒரு பெரிய விலையை கொடுக்க நேரிடும்.

நாள்பட்ட தூக்கமின்மை என்பது கவனம், நினைவாற்றல் மற்றும் படைப்பாற்றலைக் குறைக்கிறது; அதேநேரத்தில் மன அழுத்தத்தையும் நோய் அபாயத்தையும் அதிகரிக்கிறது.

ஒரு நிலையான தூக்க அட்டவணையை உருவாக்கவும். 7-8 மணிநேர தரமான தூக்கத்தை இலக்காகக் கொள்ளுங்கள், மேலும் படுக்கை நேரத்தை நீங்கள் தவறவிடக்கூடாத ஒரு முக்கியமான விஷயமாக கருதுங்கள். பரபரப்பான நாட்களில் குறுகிய தூக்கங்கள் கூட மன அமைதியை அளிக்கும்.

மைக்ரோ - இடைவேளைகளைத் திட்டமிடுங்கள்

இடைவேளை இல்லாமல் நீண்ட நேரம் வேலை செய்வது உற்பத்தித் திறனையும், முடிவெடுக்கும் திறனையும் குறைக்கிறது.

தொழில்முனைவோர் பெரும்பாலும் 5-10 நிமிட இடைநிறுத்தத்தின் சக்தியை, ரீசார்ஜ் செய்வதற்கான சக்தியை குறைத்து மதிப்பிடுகிறார்கள். மைக்ரோ - பிரேக்குகள் அறிவாற்றல் சுமையைத் தடுக்கவும், கவனத்தை மேம்படுத்தவும், படைப்பாற்றலைப் புதுப்பிக்கவும் உதவுகின்றன.

ஒவ்வொரு 90 நிமிடங்களுக்கும், உங்கள் மேசையிலிருந்து எழுந்து செல்லுங்கள். நடக்கவும், அல்லது கண்களை மூடிக்கொண்டு ஆழமாக சுவாசிக்கவும் நேரம் செலவிடுங்கள். உங்களை நினைவூட்ட ஒரு டைமர் அல்லது செயலியை பயன்படுத்துவது இடைவேளைகளை சீராக வைத்திருக்க உதவும்.

உடற்பயிற்சி அவசியம்

உடல் செயல்பாடு மிகவும் அவசியம். உடற்பயிற்சி மன அழுத்தத்தைக் குறைக்கிறது, எண்டோர்பின்களை வெளியிடுகிறது மற்றும் மன செயல்திறனை மேம்படுத்துகிறது. பிஸியான நிபுணர்கள் தங்கள் அட்டவணைக்கு ஏற்ற உடற்பயிற்சியை செயல்படுத்துவதன் மூலம் பயனடையலாம், அது ஜிம், யோகா அல்லது குறுகிய நடைப்பயிற்சி என எதுவாகவும் இருக்கலாம்.

தினமும் 20-30 நிமிடங்கள் உடற்பயிற்சி செய்ய திட்டமிடுங்கள். நேரம் குறைவாக இருந்தால், அதை சிறிய அமர்வுகளாகப் பிரிக்கவும் - காலை பயிற்சி, மதிய நடைப்பயிற்சி அல்லது மாலை யோகா - உங்கள் ரத்த ஓட்டத்தைத் தூண்டும் எதையும் செய்யுங்கள்.

மன அழுத்த மேலாண்மையையும் பயிற்சி செய்யுங்கள்

தொழில்முனைவோர் மற்றும் நிபுணர்கள் தொடர்ந்து நிச்சயமற்ற தன்மையையும், ரிஸ்க்கையும் எதிர்கொள்கின்றனர். மன அழுத்த மேலாண்மை இல்லாமல், இந்தச் சூழல் விரைவாக மோசமாகி விடும்.

தியானம், ஆழ்ந்த சுவாசம் போன்ற மனநிறைவு பயிற்சிகள் உணர்ச்சி ரீதியான மீள்தன்மை, கவனம் மற்றும் ஒட்டுமொத்த வாழ்வையும் மேம்படுத்துகின்றன.

மன அமைதிக்காக தினமும் குறைந்தது 10 நிமிடங்களை அர்ப்பணிக்கவும். உங்கள் மனதை மறுசீரமைக்கவும், அழுத்தத்தின் கீழ் அமைதியாக இருக்கவும் எளிய சுவாசப் பயிற்சிகள் அல்லது வழிகாட்டப்பட்ட தியானங்களுடன் தொடங்குங்கள்.

தனிப்பட்ட நேரத்தைப் பாதுகாக்க எல்லைகளை அமைக்கவும்

வேலை - வாழ்க்கை சமநிலை என்பது விளையாட்டு அல்ல. அது ஒரு அத்தியாவசிய தேவை. தெளிவான எல்லைகள் இல்லாமல், நிபுணர்கள் சோர்வு, உறவுகளில் விரிசல் மற்றும் உடல்நலக் குறைவுக்கு ஆளாக நேரிடும். தனிப்பட்ட நேரத்தைப் பாதுகாப்பது, உங்களுக்கும், உங்கள் குடும்பத்திற்கும், வேலைக்கு வெளியே உங்கள் ஆர்வங்களுக்கும் ஆற்றலை உறுதி செய்கிறது.

வேலை நேரங்களை வரையறுத்து அவற்றை கடைபிடியுங்கள். சக ஊழியர்களுக்கும் வாடிக்கையாளர்களுக்கும் எல்லைகளைத் தெரிவிக்கவும். சமநிலையைப் பராமரிக்க வழக்கமான தனிப்பட்ட அல்லது குடும்ப நடவடிக்கைகளைத் திட்டமிடவும்.

சுய பராமரிப்பு என்பது மகிழ்ச்சியைத் தருவது மட்டுமல்ல. அது உத்தி ரீதியானதும் கூட.

தூக்கத்திற்கு முன்னுரிமை அளிப்பதன் மூலமும், மைக்ரோ இடைவெளிகளை திட்டமிடுவதன் மூலமும், சுறுசுறுப்பாக இருப்பதன் மூலமும், மனநிறைவைப் பயிற்சி செய்வதன் மூலமும், எல்லைகளை அமைப்பதன் மூலமும், தனிப்பட்ட நல்வாழ்வு மற்றும் தொழில்முறை சிறப்பிற்கான நிலையான அடித்தளத்தை உருவாக்குகிறீர்கள்.

நீங்கள் செழித்து வளர்ந்தால் மட்டுமே உங்கள் வேலை செழிக்கும். சுய பராமரிப்பை விருப்ப ஓய்வு நேரமாக கருதாமல், உங்கள் வாழ்க்கையை உயர்த்துவதற்கான ஒரு சக்திவாய்ந்த கருவியாகக் கருதுங்கள். இன்று நீங்கள் எடுக்கும் சிறிய, நிலையான நடவடிக்கைகள் உங்கள் ஆரோக்கியத்தை மட்டுமல்ல, உங்கள் தொழில்முறை செயல்திறனையும் தனிப்பட்ட திருப்தியையும் மாற்றும்.

மூலம்: சானியா அகமது கான்

Edited by Induja Raghunathan