ஹோம்

Stock News: பங்குச் சந்தையில் ஒளிரும் பச்சை விளக்கு - சென்செக்ஸ் 400+ புள்ளிகள் உயர்வு!

‘அமெரிக்க மத்திய ரிசர்வ் வங்கி தனது வட்டி விகிதத்தை குறைத்தன் எதிரொலியாக, சர்வதேச பங்குச் சந்தைகளில் எழுச்சி காணப்படுகிறது. இதன் சாதக தாக்கம் இந்திய பங்குச் சந்தையிகளிலும் எதிரொலிக்கிறது’ என்று வர்த்தக நிபுணர்கள் கூறினர்.

03:02:59 pm - Dec 12, 2025 | Jai s

சர்வதேச சாதகப் போக்கின் தாக்கம் உள்ளிட்ட காரணங்களால், வாரத்தின் இறுதி வர்த்தக தினமான இன்று மும்பை மற்றும் தேசிய பங்குச் சந்தைகளில் எழுச்சி நிலவுகிறது.

மும்பை பங்குச் சந்தையில் இன்று (டிச.12) காலை வர்த்தகம் தொடங்கும்போது சென்செக்ஸ் 402.99 புள்ளிகள் உயர்ந்து 85,221.12 ஆக இருந்தது. அதேவேளையில், தேசிய பங்குச் சந்தையில் நிஃப்டி 115.3 புள்ளிகள் உயர்ந்து 26,013.85 ஆக இருந்தது.

‘அமெரிக்க மத்திய ரிசர்வ் வங்கி தனது வட்டி விகிதத்தை குறைத்தன் எதிரொலியாக, சர்வதேச பங்குச் சந்தைகளில் எழுச்சி காணப்படுகிறது. இதன் சாதக தாக்கம் இந்திய பங்குச் சந்தையிகளிலும் எதிரொலிக்கிறது’ என்று வர்த்தக நிபுணர்கள் கூறினர்.

மும்பை பங்குச் சந்தையில் இன்றைய வர்த்தகத்தில் அதானி போர்ட்ஸ், டைடன் கம்பெனி, எடர்னல் லிட், இண்டஸ்இண்ட் பேங்க், பஜாஜ் ஃபின்சர்வ், ஆக்சிஸ் பேங்க் உள்ளிட்ட பல்வேறு நிறுவனப் பங்குகள் ஏற்றம் கண்டுள்ளன. அதேவேளையில் டாடா மோட்டார்ஸ்,

ஹெச்டிஎஃப்சி பேங்க், ஹெச்சிஎல் டெக்னாலஜிஸ், இன்போசிஸ், கோடக் மஹிந்திரா பேங்க், எஸ்பிஐ உள்ளிட்ட நிறுவனப் பங்குகள் சரிவை சந்தித்தன.

இன்று பிற்பகல் 1.45 மணியளவில் சென்செக்ஸ் 418.16 புள்ளிகள் உயர்ந்து 85,236.29 ஆகவும், நிஃப்டி 128.20 புள்ளிகள் உயர்ந்து 26,026.75 ஆகவும் இருந்தது.

காரணம் என்ன?

அமெரிக்க பங்குச் சந்தை வர்த்தகம் ஏற்றத்துடன் நிறைவுற்றது. ஆசிய பங்குச் சந்தைகளைப் பொறுத்தவரையில் தற்போது ஷாங்காயில் மட்டும் சரிவு நிலவுகிறது; தென் கொரியா, ஜப்பான், ஹாங்காங்கில் ஏற்றம் காணப்படுகிறது. அமெரிக்க மத்திய ரிசர்வ் வங்கி தனது வட்டி விகிதத்தை குறைத்தன் எதிரொலியாக, சர்வதேச பங்குச் சந்தைகளில் எழுச்சி காணப்படுகிறது. இதன் சாதக தாக்கம் இந்திய பங்குச் சந்தையிகளிலும் எதிரொலிக்கிறது.