கோயம்புத்தூரை தளமாகக் கொண்ட, முழுமையாக பூட்ஸ்ட்ராப் செய்யப்பட்ட AI-முன்னுரிமை SaaS நிறுவனமான kovai.co, அதன் பிரதான நுண்ணறிவு மேலாண்மை தளம் Document360-யின் ஆண்டு மீள்நிலை வருமானத்தில் (ARR) $10 மில்லியன் என்ற முக்கிய மைல்கல்லை எட்டியுள்ளது.
2028-க்குள் இந்த ARR-ஐ $25 மில்லியன் ஆக அதிகரிக்கும் இலக்குடன், அடுத்த மூன்று ஆண்டுகளில் கோயம்புத்தூரில் உள்ள மேம்பாட்டு மையத் திறன் விரிவாக்கத்திற்காக ₹220 கோடி முதலீடு செய்ய இருப்பதாகவும் நிறுவனம் தெரிவித்துள்ளது.
Document360, இதற்கு முன் $10M+ ARR சாதனை புரிந்த BizTalk360-க்கு அடுத்து, kovai.co வின் இரண்டாவது வெற்றிகரமான உலகத் தரச் SaaS தயாரிப்பாக திகழ்கிறது. எந்தவித VC நிதியும் இன்றி, இரண்டு பிரிவு முன்னணி SaaS தயாரிப்புகளை $10 மில்லியன் ARR அளவுக்கு வளர்த்த உலகின் சில பூட்ஸ்ட்ராப் நிறுவனங்களில் ஒன்றாக கோவை.co திகழ்கிறது.
நிறுவனத்தின் மொத்த ஆண்டு வருவாய் தற்போது $20 மில்லியனை தாண்டியுள்ள நிலையில், இந்த பெரும் முதலீடு; தயாரிப்பு மேம்பாடு, AI திறன்கள், மற்றும் உலகளாவிய விரிவாக்கத்தை மேம்படுத்தும் நோக்குடன் மேற்கொள்ளப்படுகிறது.
“இது kovai.co மட்டும் அல்ல, கோயம்புத்தூர், தமிழ்நாட்டின் இந்திய SaaS துறைக்கும் ஒரு வரலாற்றுச் சிறப்பான தருணம்,” என நிறுவனர் மற்றும் தலைமை நிர்வாக அதிகாரி சரவண குமார் தெரிவித்துள்ளார்.
Document360 அடுத்த மூன்று ஆண்டுகளில் வருடாந்திர 40–45% வளர்ச்சி பெறும், என எதிர்பார்க்கப்படுகிறது. மேம்பட்ட இன்ஜினியரிங், AI ஆராய்ச்சி மற்றும் திறன் வளர்ச்சிக்கான முக்கிய மையமாக கோயம்புத்தூர் இருக்கும் எனவும் அவர் குறிப்பிட்டார்.
“AI நிறுவனங்களின் நுண்ணறிவு மேலாண்மையை மறுசீரமைத்து வரும் காலத்தில், Document360 ஒரு மிக முக்கிய தளமாக உருவெடுத்து வருகிறது. எங்கள் ₹220 கோடி முதலீடு கோயம்புத்தூரை ஒரு உலகத்தரத் தொழில் மையமாக உயர்த்தும்,” என்றார்.
2019-இல் அறிமுகமான Document360, உலகளாவிய Self-service Knowledge Base சந்தையில் முன்னணி தளமாக வளர்ந்து, VMware, NHS, Ticketmaster, Payoneer, Virgin Red, Comcast உள்ளிட்ட 1,500-க்கும் மேற்பட்ட நிறுவனங்களின் நம்பிக்கையை பெற்றுள்ளது.
AI அடிப்படையிலான அறிவு தானியக்கத்தை வேகமாக ஏற்றுக்கொள்கின்ற வணிகங்களுக்காக, Document360 கட்டமைக்கப்பட்ட அறிவு, உடனடி பதில்கள், மற்றும் புத்திசாலித்தனமான தேடல் திறன்களை வழங்கி வருகிறது.
கோவை.co தனது மூன்றாவது தயாரிப்பான Turbo360 (முன்னாள் Serverless360)-ஐ வேகமாக வளர்த்துவருகிறது. இது Azure சூழல்களில் செலவுக் குறைப்பையும் இன்ஃப்ரா கண்காணிப்பையும் வழங்கும் மேம்பட்ட கிளவுட் மேலாண்மை தளம் ஆகும். இதையும் $10 மில்லியன் ஆண்டு மீள்நிலை வருவாய் அளவுக்கு உயர்த்துவதே நிறுவனத்தின் அடுத்த இலக்கு.
