அமெரிக்க டாலருக்கு நிகரான ரூபாய் மதிப்பு வீழ்ச்சி உள்ளிட்ட காரணிகளால், சென்செக்ஸ் மற்றும் நிஃப்டி புள்ளிகள் வெகுவாக வீழ்ச்சி கண்டுள்ளன.
மும்பை பங்குச் சந்தையில் இன்று (டிச.8) காலை வர்த்தகம் தொடங்கும்போது சென்செக்ஸ் 316.52 புள்ளிகள் சரிந்து 85,395.85 ஆக இருந்தது. அதேவேளையில், தேசிய பங்குச் சந்தையில் நிஃப்டி 106.70 புள்ளிகள் சரிந்து 26,079.75. ஆக இருந்தது.
‘அமெரிக்க டாலருக்கு நிகரான ரூபாய் மதிப்பு வீழ்ச்சியின் தாக்கம், வெளிநாட்டு முதலீடுகளின் வரத்து குறைவு, ரியல் எஸ்டேட் நிறுவனப் பங்குகளின் சரிவுப் போக்கு உள்ளிட்ட காரணங்களால் இந்திய பங்குச் சந்தையில் வீழ்ச்சி நிலவுகிறது. ரிசர்வ் வங்கி பல்வேறு அதிரடி முடிவுகளை எடுக்கும் பட்சத்தில், சென்செக்ஸ் மற்றும் நிஃப்டி புள்ளிகள் மீண்டெழுந்துவிடும்’ என்று வர்த்தக நிபுணர்கள் கூறினர்.
மும்பை பங்குச் சந்தையில் இன்றைய வர்த்தகத்தில் ஐடி நிறுவனப் பங்குகளே தப்பின. டெக் மஹிந்திரா, ஹெச்சிஎல் டெக்னாலஜிஸ், டிசிஎஸ், இன்போசிஸ் உள்ளிட்ட நிறுவனப் பங்குகள் ஏற்றமும், ஏனைய பெரும்பாலான பங்குகள் சரிவையும் சந்தித்தன.
இன்று பிற்பகல் 12.50 மணியளவில் சென்செக்ஸ் 438.55 புள்ளிகள் சரிந்து 85,273.82 ஆகவும், நிஃப்டி 165.65 புள்ளிகள் சரிந்து 26,020.80 ஆகவும் இருந்தது.
காரணம் என்ன?
அமெரிக்க பங்குச் சந்தை வர்த்தகம் வெள்ளிக்கிழமை உயர்வுடன் நிறைவுற்றது. ஆசிய பங்குச் சந்தைகளைப் பொறுத்தவரையில் தற்போது தென் கொரியா, ஷாங்காய் ஜப்பானில் ஏற்றமும், ஹாங்காங்கில் சரிவும் காணப்படுகிறது. அமெரிக்க டாலருக்கு நிகரான ரூபாய் மதிப்பு வீழ்ச்சியின் தாக்கம், வெளிநாட்டு முதலீடுகளின் வரத்து குறைவு, ரியல் எஸ்டேட் நிறுவனப் பங்குகளின் சரிவுப் போக்கு உள்ளிட்ட காரணங்களால் இந்திய பங்குச் சந்தையில் வீழ்ச்சி நிலவுகிறது.
ஏற்றம் காணும் பங்குகள்:
டெக் மஹிந்திரா
ஹெச்சிஎல் டெக்னாலஜிஸ்
டிசிஎஸ்
இன்போசிஸ்
ஹெச்டிஎஃப்சி பேங்க்
இறங்கு முகம் காணும் பங்குகள்:
என்டிபிசி
பாரதி ஏர்டெல்
டைடன் கம்பெனி
எஸ்பிஐ
மாருதி சுசுகி
கோடக் மஹிந்திரா பேங்க்
அதானி போர்ட்ஸ்
டாடா ஸ்டீல்
எல் அண்ட் டி
பஜாஜ் ஃபின்சர்வ்
பவர் கிரிட் கார்ப்பரேஷன்
அல்ட்ராடெக் சிமென்ட்ஸ்
எம் அண்ட் எம்
பஜாஜ் ஃபைனான்ஸ்
ஏசியன் பெயின்ட்ஸ்
இண்டஸ்இண்ட் பேங்க்
ஐசிஐசிஐ பேங்க்
ஆக்சிஸ் பேங்க்
ஐடிசி
ரிலையன்ஸ் இண்டஸ்ட்ரீஸ்
நெஸ்லே இந்தியா
எடர்னல் லிட்
டாடா மோட்டார்ஸ்
சன் பார்மா
இந்துஸ்தான் யூனிலீவர்
ரூபாய் மதிப்பு
இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.90.22 ஆக இருந்தது.
Edited by Induja Raghunathan