சர்வதேச பங்குச் சந்தையில் நிலவும் சாதகமான போக்கின் தாக்கத்தால், இந்திய பங்குச் சந்தைகளிலும் எழுச்சி நிலவுகிறது. சென்செக்ஸ் கிட்டத்தட்ட 500 புள்ளிகள் உயர்ந்துள்ளது. நிஃப்டி 150+ புள்ளிகள் உயர்ந்து 26,200 என்ற பெஞ்ச் மார்க்கை எட்டியுள்ளது.
மும்பை பங்குச் சந்தையில் இன்று (நவ.20) காலை வர்த்தகம் தொடங்கும்போது சென்செக்ஸ் 284.49 புள்ளிகள் உயர்ந்து 85,470.96 ஆக இருந்தது. அதேவேளையில், தேசிய பங்குச் சந்தையில் நிஃப்டி 83.35 புள்ளிகள் உயர்ந்து 26,136 ஆக இருந்தது.
“சர்வதேச பங்குச் சந்தைகளில் நிலவும் சாதகமான போக்கு இப்போது இந்திய பங்குச் சந்தைகளுக்கு கைகொடுத்துள்ளது. குறிப்பாக, அமெரிக்க பங்குச் சந்தையில் ஏஐ மற்றும் செமி கண்டெக்டர் தொடர்புடைய பிரிவுகளில் நல்ல முன்னேற்றம் காணப்படுகிறது. இதன் காரணமாக, தொழில்நுட்ப நிறுவனப் பங்குகள் பலவும் ஏற்றம் கண்டு வருகின்றன,” என்று டெக் பிரிவு தொழில் வல்லுநர் ஆர்.பொன்முடி குறிப்பிட்டுள்ளார்.
இன்றைய வர்த்தகத்தில் எல் அண்ட் டி, ஹெச்டிஎஃப்சி பேங்க், டெக் மஹிந்திரா, எம் அண்ட் எம், என்டிபிசி, பஜாஜ் ஃபைனான்ஸ், ஐடிசி, டிசிஎஸ் உள்ளிட்ட நிறுவனப் பங்குகள் ஏற்றம் கண்டுள்ளன. அதேவேளையில் எஸ்பிஐ, டைடன் கம்பெனி, இந்துஸ்தான் யூனிலீவர், சன் பார்மா, டாடா மோட்டார்ஸ் உள்ளிட்ட நிறுவனப் பங்குகள் சரிவை சந்தித்துள்ளன.
இன்று பிற்பகல் 1.50 மணியளவில் சென்செக்ஸ் 486.38 புள்ளிகள் உயர்ந்து 85,672.84 ஆகவும், நிஃப்டி 154.95 புள்ளிகள் உயர்ந்து 26,207.60 ஆகவும் இருந்தது.
காரணம் என்ன?
அமெரிக்க பங்குச் சந்தை ஏற்றத்துடன் நிறைவுற்றது. ஆசிய பங்குச் சந்தைகளைப் பொறுத்தவரையில் தற்போது தென் கொரியா, ஹாங்காங், ஜப்பான் மற்றும் ஷாங்காய் என அனைத்திலும் பாசிட்டிவ் போக்கு காணப்படுகிறது. இதன் தாக்கத்துடன், தொழில்நுட்பம் சார்ந்த நிறுவனப் பங்குகளுக்கு மவுசு கூடியிருப்பதால் இந்திய பங்குச் சந்தைகளிலும் எழுச்சி நிலவுகிறது. குறிப்பாக, நிஃப்டி புள்ளிகள் உச்சம் கண்டுள்ளன.
ஏற்றம் காணும் பங்குகள்:
எல் அண்ட் டி
ஹெச்டிஎஃப்சி பேங்க்
டெக் மஹிந்திரா
எம் அண்ட் எம்
என்டிபிசி
பஜாஜ் ஃபைனான்ஸ்
ஐடிசி
டிசிஎஸ்
நெஸ்லே இந்தியா
பஜாஜ் ஃபின்சர்வ்
அதானி போர்ட்ஸ்
அல்ட்ராடெக் சிமென்ட்ஸ்
பாரதி ஏர்டெல்
ஆக்சிஸ் பேங்க்
பவர் கிரிட் கார்ப்பரேஷன்
எடர்னல் லிட்
ரிலையன்ஸ் இண்டஸ்ட்ரீஸ்
மாருதி சுசுகி
இறங்கு முகம் காணும் பங்குகள்:
எஸ்பிஐ
ஐசிஐசிஐ பேங்க்
டைடன் கம்பெனி
இந்துஸ்தான் யூனிலீவர்
சன் பார்மா
டாடா மோட்டார்ஸ்
கோடக் மஹிந்திரா பேங்க்
இன்போசிஸ்
டாடா ஸ்டீல்
ஹெச்சிஎல் டெக்னாலஜிஸ்
இண்டஸ்இண்ட் பேங்க்
ஏசியன் பெயின்ட்ஸ்
ரூபாய் மதிப்பு
இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.88.67 ஆக இருந்தது.