சர்வதேச போக்கின் தாக்கம் உள்ளிட்ட காரணங்களால் இரண்டாவது நாளாக சென்செக்ஸ் மற்றும் நிஃப்டி புள்ளிகள் வெகுவாக வீழ்ச்சி கண்டுள்ளன.
மும்பை பங்குச் சந்தையில் இன்று (டிச.9) காலை வர்த்தகம் தொடங்கும்போது சென்செக்ஸ் 636.22 புள்ளிகள் சரிந்து 84,466.47 ஆக இருந்தது. அதேவேளையில், தேசிய பங்குச் சந்தையில் நிஃப்டி 193.25 புள்ளிகள் சரிந்து 25,767.30 ஆக இருந்தது.
"சர்வதேச போக்குடன், அமெரிக்க டாலருக்கு நிகரான ரூபாய் மதிப்பு வீழ்ச்சியின் தாக்கம், வெளிநாட்டு முதலீடுகளின் வரத்து குறைவு உள்ளிட்ட காரணங்களால் சென்செக்ஸ் மற்றும் நிஃப்டி புள்ளிகள் தொடர்ந்து சரிந்து வருகின்றன," என்று வர்த்தக நிபுணர்கள் கூறினர்.
மும்பை பங்குச் சந்தையில் இன்றைய வர்த்தகத்தில் டைடன் கம்பெனி, எடர்னல் லிட், அதானி போர்ட்ஸ், இண்டஸ்இண்ட் பேங்க், பஜாஜ் ஃபின்சர்வ், ஆக்சிஸ் பேங்க், எஸ்பிஐ, ஐடிசி உள்ளிட்ட நிறுவனப் பங்குகள் ஏற்றம் கண்டுள்ளன; சன் பார்மா, டெக் மஹிந்திரா, ஹெச்சிஎல் டெக்னாலஜிஸ், டிசிஎஸ், இன்போசிஸ், ஹெச்டிஎஃப்சி பேங்க், மாருதி சுசுகி, டாடா ஸ்டீல் உள்ளிட்ட பல நிறுவனப் பங்குகள் சரிவை சந்தித்துள்ளன.
இன்று பிற்பகல் 1.45 மணியளவில் சென்செக்ஸ் 246.05 புள்ளிகள் சரிந்து 84,856.64 ஆகவும், நிஃப்டி 66.35 புள்ளிகள் சரிந்து 25,894.20 ஆகவும் இருந்தது.
காரணம் என்ன?
அமெரிக்க பங்குச் சந்தை வர்த்தகம் சரிவுடன் நிறைவுற்றது. ஆசிய பங்குச் சந்தைகளைப் பொறுத்தவரையில் தற்போது ஜப்பானில் மட்டும் ஏற்றம் நிலவுகிறது; தென் கொரியா, ஷாங்காய், ஹாங்காங்கில் சரிவு காணப்படுகிறது. சர்வதேசப் போக்குடன்
அமெரிக்க டாலருக்கு நிகரான ரூபாய் மதிப்பு வீழ்ச்சியின் தாக்கம், வெளிநாட்டு முதலீடுகளின் வரத்து குறைவு உள்ளிட்ட காரணங்களால் சென்செக்ஸ் மற்றும் நிஃப்டி புள்ளிகள் தொடர்ந்து சரிந்து வருகின்றன
ஏற்றம் காணும் பங்குகள்:
டைடன் கம்பெனி
எடர்னல் லிட்
அதானி போர்ட்ஸ்
இண்டஸ்இண்ட் பேங்க்
பஜாஜ் ஃபின்சர்வ்
ஆக்சிஸ் பேங்க்
எஸ்பிஐ
நெஸ்லே இந்தியா
ஐடிசி
இந்துஸ்தான் யூனிலீவர்
எல் அண்ட் டி
என்டிபிசி
பாரதி ஏடெல்
இறங்கு முகம் காணும் பங்குகள்:
சன் பார்மா
டெக் மஹிந்திரா
ஹெச்சிஎல் டெக்னாலஜிஸ்
டிசிஎஸ்
இன்போசிஸ்
ஹெச்டிஎஃப்சி பேங்க்
மாருதி சுசுகி
கோடக் மஹிந்திரா பேங்க்
டாடா ஸ்டீல்
பவர் கிரிட் கார்ப்பரேஷன்
அல்ட்ராடெக் சிமென்ட்ஸ்
எம் அண்ட் எம்
பஜாஜ் ஃபைனான்ஸ்
ஏசியன் பெயின்ட்ஸ்
ஐசிஐசிஐ பேங்க்
ரிலையன்ஸ் இண்டஸ்ட்ரீஸ்
டாடா மோட்டார்ஸ்
ரூபாய் மதிப்பு
இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.89.90 ஆக இருந்தது.
Edited by Induja Raghunathan