சர்வதேச போக்கின் தாக்கம் உள்ளிட்ட காரணங்களால் கடந்த சில தினங்களாக கடும் வீழ்ச்சி கண்டு வந்த இந்திய பங்குச் சந்தையில் இன்று எழுச்சி ஏற்பட்டுள்ளது.
மும்பை பங்குச் சந்தையில் இன்று (டிச.11) காலை வர்த்தகம் தொடங்கும்போது சென்செக்ஸ் 149.3 புள்ளிகள் உயர்ந்து 84,540.57 ஆக இருந்தது. அதேவேளையில், தேசிய பங்குச் சந்தையில் நிஃப்டி 45.05 புள்ளிகள் உயர்ந்து 25,803.05 25,767.30 ஆக இருந்தது.
“சர்வதேச பாதகப் போக்கு, ரூபாய் மதிப்பு வீழ்ச்சியின் தாக்கம், வெளிநாட்டு முதலீடுகளின் வரத்து குறைவு உள்ளிட்ட காரணங்களைத் தாண்டி, இந்திய பங்குச் சந்தையில் மீட்சிப் போக்கு நிலவத் தொடங்கியிருக்கிறது. இதற்கு, இந்தியா - அமெரிக்கா இடையிலான வர்த்தகப் பேச்சுவார்த்தையில் முன்னேற்றம் ஏற்பட்டுள்ளதே காரணம்,” என வர்த்தக நிபுணர்கள் கூறினர்.
மும்பை பங்குச் சந்தையில் இன்றைய வர்த்தகத்தில் டிசிஎஸ், ஐடிசி, டைடன் கம்பெனி, பஜாஜ் ஃபின்சர்வ், ஐசிஐசிஐ பேங்க், பாரதி ஏர்டெல், பஜாஜ் ஃபைனான்ஸ், ஏசியன் பெயின்ட்ஸ் உள்ளிட்ட நிறுவனப் பங்குகள் சரிவை சந்தித்தன. ஏனைய பெரும்பாலான நிறுவனப் பங்குகள் ஏற்றம் பெறத் தொடங்கின.
இன்று பிற்பகல் 2 மணியளவில் சென்செக்ஸ் 367.52 புள்ளிகள் உயர்ந்து 84,758.80 ஆகவும், நிஃப்டி 127.35 புள்ளிகள் உயர்ந்து 25,885.35 ஆகவும் இருந்தது.
காரணம் என்ன?
அமெரிக்க பங்குச் சந்தை வர்த்தகம் உயர்வுடன் நிறைவுற்றது. ஆசிய பங்குச் சந்தைகளைப் பொறுத்தவரையில் தற்போது ஜப்பான், தென் கொரியா, ஷாங்காய், ஹாங்காங் என அனைத்திலும் சரிவு காணப்படுகிறது. சர்வதேச பாதகப் போக்கு, ரூபாய் மதிப்பு வீழ்ச்சியின் தாக்கம், வெளிநாட்டு முதலீடுகளின் வரத்து குறைவு உள்ளிட்ட காரணங்களைத் தாண்டி, இந்திய பங்குச் சந்தையில் மீட்சிப் போக்கு நிலவத் தொடங்கியிருக்கிறது. இதற்கு, இந்தியா - அமெரிக்கா இடையிலான வர்த்தகப் பேச்சுவார்த்தையில் முன்னேற்றம் ஏற்பட்டுள்ளதே காரணம்.
ஏற்றம் காணும் பங்குகள்:
ஹெச்டிஎஃப்சி பேங்க்
மாருதி சுசுகி
கோடக் மஹிந்திரா பேங்க்
டாடா ஸ்டீல்
பவர் கிரிட் கார்ப்பரேஷன்
அல்ட்ராடெக் சிமென்ட்ஸ்
எம் அண்ட் எம்
ரிலையன்ஸ் இண்டஸ்ட்ரீஸ்
டாடா மோட்டார்ஸ்
சன் பார்மா
டெக் மஹிந்திரா
ஹெச்சிஎல் டெக்னாலஜிஸ்
எடர்னல் லிட்
அதானி போர்ட்ஸ்
இண்டஸ்இண்ட் பேங்க்
ஆக்சிஸ் பேங்க்
எஸ்பிஐ
இந்துஸ்தான் யூனிலீவர்
எல் அண்ட் டி
என்டிபிசி
இறங்கு முகம் காணும் பங்குகள்:
டிசிஎஸ்
ஐடிசி
டைடன் கம்பெனி
பஜாஜ் ஃபின்சர்வ்
ஐசிஐசிஐ பேங்க்
பாரதி ஏர்டெல்
பஜாஜ் ஃபைனான்ஸ்
ஏசியன் பெயின்ட்ஸ்
ரூபாய் மதிப்பு
இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.90.25 ஆக இருந்தது.
Edited by Induja Raghunathan